U Minsku pradajuć z aŭkcyjonu viadomuju kramu kanfiskatu. Cana pytańnia — $2,5 miljona
Kramu kanfiskatu «Vaš vybar» vystavili na tarhi. Łot raźmieščany na sajcie Minskaha haradskoha centra nieruchomaści.
Krama znachodzicca na Ihumienskim trakcie i naležyć handlovamu domu «Uschodni» i ŭvachodzić u sietku «Vaš vybar» (składajecca ź dzieviaci handlovych abjektaŭ), jakaja pradaje kanfiskavanyja tavary. Asartymient, jakim handluje sietka, maksimalna raznastajny — ad adzieńnia da bujnoj bytavoj techniki.
Startavy košt za abstalavanaje pamiaškańnie płoščaj 2800 kv.m — 8 179 347 rubloŭ, abo $2,5 młn. Aŭkcyjon budzie na pavyšeńnie, zajaŭki płanujuć prymać da 17 krasavika. Tarhi projduć 19 krasavika.
Akramia kanfiskatu, kanfiskavanaha mytniaj, milicyjaj i prystavami, u kramach sietki pradajuć zvyčajnyja tavary ad pradpryjemstvaŭ, padviedamiła Kiraŭnictva spravami. «Vaš vybar» — nie adzinaja sietka kramaŭ kanfiskatu, jakaja dziejničaje ŭ Biełarusi.
Kamientary