«Heta žorstki ekśpierymient». Kurjer dastaviŭ minčancy bukiet u dzień naradžeńnia, a praz 10 chvilin zabraŭ jaho
Biełaruskaja mastačka Natalla Miadźviedź raspaviała ŭ Threads, jak dastaŭka kvietak «Rozy.bieł» sapsavała joj śviatočny nastroj u dzień naradžeńnia.
«Kurjer z «Rozy.bieł» pryvioz mnie bukiet, a praz 10 chvilin zabraŭ jaho. Pierabłytaŭ. Dyk voś, darahija «Rozy.bieł», ź dziaŭčatami tak pastupać nielha. Nielha daryć kvietki i zabirać ich. Heta žorstki ekśpierymient nad psichikaj u jaje ž dzień», — napisała Natalla pra niepryjemny vypadak u Threads.
Tyja kvietki, jakija pryznačalisia kankretna joj, mastačka ŭ vyniku atrymała — kurjer zamianiŭ, — ale nastroj byŭ bieznadziejna sapsavany.
Jašče adna dziaŭčyna ŭ kamientarach raspaviała, što trapiła ŭ anałahičnuju situacyju z toj samaj dastaŭkaj: «U mianie taksama takaja situacyja była z «Rozy.bieł». Chłopiec vyrašyŭ mianie paradavać znachodziačysia daloka, prosta tak siurpryzam zamoviŭ bukiecik. Kurjer prynosić šykoŭny bukiet, ja paśpiavaju sfatahrafavać i adpisacca chłopcu z zachapleńniem. Razumieju, što fota bukieta jaho ździviła… Praz paru chvilin kurjer viarnuŭsia i kaža, što pierabłytaŭ. Zamianiŭ mnie na toj, što zamoviŭ moj chłopiec, dobry bukiet ale ŭ razy mienš pamieram atrymlivajecca… Mnie dyk u lubym vypadku pryjemnaja prosta ŭvaha chłopca, a jamu niajomka było, źniervavaŭsia».
Šmat chto ŭ kamientarach napisaŭ, što ŭ takoj situacyi admoviŭsia b addavać kvietki. Niechta paličyŭ, što prablema ŭ tym, što pieršy bukiet byŭ bolš šykoŭnym. Natalla ž śćviardžaje: jaje bukiet joj spadabaŭsia bolš.
Paśla dopisu ŭ Threads, jaki nabraŭ bolš za 20 tysiač prahladaŭ, z Natallaj źviazałasia pradstaŭnica «Rozy.bieł». Taja jašče raz paprasiła prabačeńnia za pamyłku kurjera.
Ale Natalla ličyć, što prostaje «vybačajcie» — heta etyčny pravał, bo kampanija nie źviartaje ŭvahi na pačućci klijenta. Kurjera joj škada, ale «prafiesijanalizm heta nie adsutnaść pamyłak, a pravilnyja dziejańni paśla ich». Žančyna piša, što padaryć i zabrać — heta pryblizna jak paprasić prabačeńnia, udaryŭšy pa tvary. Tamu, na jaje dumku, było b pravilna pakinuć abodva bukiety.
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary