Śpiavak Ap$ent: U adroźnieńnie ad viasiołkavych poni kštałtu Kaleśnikavaj ja nikoli nie zabudu žeść 2020‑2022 hadoŭ
Śpievaku prapanavali viarnucca ŭ Biełaruś z harantyjami biaśpieki, ale jon ličyć heta varjactvam u ciapierašniaj situacyi.
Biełaruski śpiavak Ap$ent (sapraŭdnaje imia — Arsienij Kiślak) raspavioŭ u Threads, što jamu napisali ŭ telehramie ź nieviadomaha akaŭnta z prapanovaj harantavać biaśpieku jaho viartańnia ŭ Biełaruś.
«Ja nie ŭdakładniŭ umoŭ i nie viedaju, pryvatny heta skam abo dziaržaŭny, ale mnie zdajecca varjactvam viartacca ŭ krainu, u jakuju, kab viarnucca, treba damaŭlacca. I ŭ adroźnieńnie ad viasiołkavych poni kštałtu Kaleśnikavaj ja nikoli nie zabudu žeść 2020‑2022 hoda. A padmanvać siabie, zamylvajučy vobraz i adnaznačnaść zła i staŭleńnie da jaho ja nie ŭmieju», — napisaŭ śpiavak.
Nahadajem: mienavita Ap$ent napisaŭ pieśniu «Možna ja z taboj», jakaja pieratvaryłasia ŭ himn kocikaŭ i stała šalona papularnaj u sacsietkach. Pad słovy chita zapisvali videa navat prapahandystka z STB Kaciaryna Zabiańko i žonka Ihara Tura.
Nasamreč pryśviečany trek vymušanaj mihracyi. Napisaŭ jaho Arsienij u Hruzii, kudy artyst razam z žonkaj źjechaŭ u studzieni 2022 hoda.
A niadaŭna akazałasia, što inšaja pieśnia Ap$ent — «Ciemra» — idealna pasuje dla videa ź Minska i inšych haradoŭ, dzie dziela ekanomii pa zahadzie Łukašenki vyklučyli śviatło.
«Saładucha vykłaŭ sełfi z centra stalicy»: biełarusy žartujuć pra błekaŭt pa zahadzie Łukašenki
AP$ENT vydaŭ chit «Možna ja z taboj» na anhielskaj
U Kazani prybrali rekłamu z radkom ź pieśni «Stoj, možna ja z taboj?» biełarusa Ap$ent
«Dałaś tiebie vot eta Polša, v RB zarpłata bolšie». Štučny intelekt napisaŭ prapahandyscki chit
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj30
Kamientary