Rasija ŭnačy atakavała Kijeŭ rakietami «Kinžał». Jość paciarpiełyja
Mer Kijeva Vital Kličko paviedamiŭ pra 10 paciarpiełych.
Kijeŭ padvierhnuŭsia rakietnaj atacy z boku Rasii. A 5.00 pavietranyja siły USU paviedamili ab puskach hipierhukavych rakiet Ch-47 M2 «Kinžał» u napramku ŭkrainskaj stalicy.
Raniej pastupiła infarmacyja ab tym, što ŭnačy z aeradroma Alenievaja ŭ Murmanskaj vobłaści vylecieli 9 rasijskich stratehičnych bambardziroŭščykaŭ Tu-95, jakija, ździejśniŭšy manieŭr u rajonie puskavych miežaŭ, vypuścili ŭ kirunku Ukrainy kryłatyja rakiety, piša Deutsche Welle.
U 5.06 stała viadoma ab paŭtornych puskach rakiet «Kinžał» u napramku Kijeva. U 5.11 pavietranyja siły VSU paviedamili ab adboi pavietranaj tryvohi.
Nastupstvy rakietnaha abstrełu Kijeva
U Śviatošynskim rajonie Kijeva abłomki rakiety ŭpali na budynak dziciačaha sadka i žyły dom, u Šaŭčenkaŭskim rajonie zaharelisia aŭtamabili, paviedamiŭ mer horada Vital Kličko. U Padolskim rajonie abłomki rakiety ŭpali na terytoryju jak minimum dvuch pradpryjemstvaŭ.
Akramia taho stała viadoma ab trapleńni abłomkaŭ rakiety ŭ transfarmatarnuju padstancyju i dvuchpaviarchovaje niežyłoje pamiaškańnie ŭ Padolskim rajonie. U tym ža rajonie ŭźnik pažar na dachu žyłoha doma. U Śviatošynskim rajonie, papiarednie ŭ žyłym domie, udarnaj chvalaj vybityja vokny.
Kličko ŭ 5.45 napisaŭ, što viadoma ab čatyroch paciarpiełych —žančynie ŭ Śviatošynskim rajonie i troch inšych haradžanach — u Šaŭčenkaŭskim. Krychu paźniej mer paviedamiŭ užo ab dziesiaci paciarpiełych kijaŭlanach.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary