27 sakavika, u Vialikuju sieradu, na ćvintary pierad kaściołam Najśviaciejšaj Trojcy (śviatoha Rocha) na Załatoj Horcy prajšło nabaženstva Kryžovaha šlachu. U niadzielu katoliki i pratestanty buduć śviatkavać Vialikdzień.
Udzieł u supolnaj malitvie, jakuju ŭznačaliŭ Hienieralny vikaryj Minska-Mahiloŭskaj archidyjacezii biskup Juryj Kasabucki, uziali vierniki z roznych parafij stalicy, a taksama Hreka-katalickaj carkvy na čale z apostalskim administrataram dla katolikaŭ vizantyjskaha abradu ŭ Biełarusi archimandrytam Siarhiejem Hajekam, piša catholic.by.
Razvažańni da stacyj Kryžovaha šlachu byli padrychtavanyja adnym ź viernikaŭ Załatahorskaj parafii, jaki razam z probaščam, ksiandzom kanonikam Juryjem Sańko vioŭ nabaženstva. Razam sa šmatlikimi viernikami ŭdzieł u im uziali sakratar Apostalskaj nuncyjatury ŭ Minsku ksiondz Kšyštaf Seroka i probašč parafii śviatoha Symona i śviatoj Aleny ŭ Minsku ksiondz Uładzisłaŭ Zavalniuk.
Na čale šeścia, jakoje prachodziła pa terytoryi daŭnich Załatahorskich mohiłak, išła hrupa viernikaŭ u kaściumach, adzin ź jakich, u kaściumie Chrysta, nios vialiki draŭlany kryž.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary