U Izraili pamior Alaksandr Kandratovič, jaki bolš viadomy ŭ Biełarusi jak błohier Vasil Ciełahrejkin. Prasłaviŭsia jon tym, što ŭ siaredzinie 2010-ch uznačaliŭ kampaniju suprać svavolstva supracoŭnikaŭ DAI. Pra śmierć «Ciełahrejkina» paviedamili jahonyja siabry ŭ fejsbuku.
Alaksandr Kandratovič zmahaŭsia sa złoŭžyvańniami daišnikaŭ šlacham vystaŭleńnia ŭ internet rolikaŭ, dzie jany pavodzili siabie nie najlepšym čynam. Heta milicyjantaŭ złavała, ale ŭ toj ža čas u tyja jašče davoli «travajednyja» časy spryčyniałasia i da reahavańnia načalstva na jaŭnyja parušeńni i adpaviedna ich vypraŭleńnia. Sam Kandratovič prezientavaŭ prajekt «Vasil Ciełahrejkin» jak «revizoraŭ ad hramadzianskaj supolnaści».
Dziaržaŭnaja prapahanda viała z Kandratovičam baraćbu, cisnučy na niazručnyja fakty ź jaho bijahrafii. Hety vypusknik Dziaržaŭnaha ŭniviersiteta marskoha i račnoha prava ŭ Sankt-Pieciarburhu ŭ 1990-ja pastupiŭ u biełaruskuju Akademiju MUS, ale tak jaje i nie skončyŭ, bo «pahareŭ» spačatku na nielehalnym prodažy cyharet na Kamaroŭcy, a paśla i na razbojnym napadzie. Za heta jamu daviałosia adsiedzieć u kałonii 4,5 hoda.
Na hetyja fakty i cisnuli prapahandysty, imknučysia ačarnić jahonuju ideju. Sam Kandratovič taho, što heta ŭ jahonaj bijahrafii sapraŭdy było, nie admaŭlaŭ, ale padkreślivaŭ, što heta hrachi maładości, jakija jon paśla pieraasensavaŭ i ŭ kryminał nie viartaŭsia.
U apošnija hady žyćcia Alaksandr Kandratovič žyŭ u Izraili.
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2323
Kamientary