U Niamieččynie pamierła viadomaja baksiorka — uradženka Biełarusi
Jana mieła mianušku «Tyhryca».
U Niamieččynie va ŭzroście 43 hadoŭ pajšła z žyćcia viadomaja baksiorka, uradženka Biełarusi Alesia Hraf, paviedamlaje sajt «Biełaruś i śviet» sa spasyłkaj na niamieckija ŚMI.
Pra pryčyny i abstaviny trahičnaj i rańniaj śmierci byłoj čempijonki śvietu pa viersii GBU i WBF u publikacyjach nie havorycca.
Alesia Hraf, u dziavoctvie Klimovič, naradziłasia ŭ 1980 hodzie ŭ Homieli. Pierajechała ŭ Hiermaniju ŭ 1999 hodzie, dzie vyjšła zamuž, a ŭ 2008 hodzie atrymała hramadzianstva.
Pačała zajmacca boksam u 2001 hodzie — spačatku jak amatar, zatym jak prafiesijanał. Vystupała ŭ najlohkaj i najlahčejšaj vazie. Atrymała mianušku Tyhryca.
Svoj apošni boj u jakaści prafiesijnaha baksiora praviała 19 studzienia 2019 hoda suprać datčanki Dziny Torsłund, jaki prajhrała.
Rychtavałasia da pajadynkaŭ u Štutharcie — u niamieckaha treniera Chajnca Ščulca, u Hamburhu — u rumynskaha śpiecyjalista Valancina Siłahi.
Mieła kantrakt z baksiorskim ahienctvam Hamburg Universum. Treniravałasia z adnoj z samych paśpiachovych žančyn-baksioraŭ — niemkaj Rehinaj Chalmich.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ11
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary