Stralba ŭ škole ŭ Finlandyi: adzin školnik zahinuŭ, dvoje atrymali ranieńni. Strałku — 13 hadoŭ
Siońnia ranicaj u škole ŭ horadzie Vantaa, što ŭ vakolicach Chielsinki, adbyŭsia incydent sa stralboj. Palicyju vyklikali na miesca zdareńnia prykładna ŭ 9.08 ranicy, piša Yle.fi
Pavodle źviestak palicyi, u vyniku stralaniny adzin školnik zahinuŭ, dvoje 13-hadovych paranienyja. Palicyja zatrymała 13-hadovaha padazravanaha. Palicyja taksama vyśviatlaje, ci datyčnyja da zdareńnia inšyja asoby. Palicyjanty nie kamientujuć, jakuju zbroju vykarystaŭ napadnik.
Kamisar pa kryminalnych spravach Kima Chivarynien zajaviŭ, što palicyja praviała bujnamaštabnuju apieracyju, u jakoj brali ŭdzieł piać kiraŭnikoŭ śledčych hrup. Akramia taho, da spravy była pryciahnutaja Centralnaja kryminalnaja palicyja. Palicyja padazraje naŭmysnaje zabojstva i dva zamachi na zabojstva.
U 11:32 palicyjanty zatrymali strałka ŭ Chielsinki. Zatrymany nie akazaŭ supracivu. U jaho znajšli ahniastrelnuju zbroju.
Zdareńnie adbyłosia ŭ budynku škoły Jokiranta. U navučalnaj ustanovie pracujuć kala 90 čałaviek.
Vučni doŭhi čas znachodzilisia ŭ kłasach, ale kala 13 hadzin ich pačali adpuskać dadomu z baćkami.
Ciapier čytajuć
Kamientary