Jeŭrapiejskija raźviedsłužby papiaredzili svaje ŭrady pra pahrozu dyviersij i teraktaŭ, arhanizavanych Rasijaj, pa ŭsim jeŭrapiejskim kantyniencie. Mahčymyja achviary siarod mirnaha nasielnictva RF nie turbujuć, piša Financial Times.
Słužby raźviedki krain Jeŭropy papiaredzili svaje ŭrady pra pahrozu dyviersij i teraktaŭ, arhanizavanych Rasiejaj, pa ŭsim jeŭrapiejskim kantyniencie, paviedamiła hazieta Financial Times (FT) u niadzielu, 5 maja, sa spasyłkaj na słovy pradstaŭnikoŭ troch śpiecsłužbaŭ Jeŭropy.
Maskva pačała aktyŭna płanavać naniasieńnie škody infrastruktury Jeŭropy pry dapamozie vybuchaŭ i padpałaŭ, nie kłapociačysia z nahody hibieli mirnych žycharoŭ, udakładniaje vydańnie. Krynicy haziety zajavili, što Rasieja ŭziała kurs na pastajanny kanflikt z Zachadam praź jahonuju dapamohu Ukrainie ŭ jaje supraćstajańni rasijskaj vajskovaj ahresii, piša Deutsche Welle.
Choć ahienty Kramla majuć doŭhuju historyju padobnych apieracyj, źjaŭlajucca ŭsio novyja śviedčańni bolš ahresiŭnych i ŭzhodnienych namahańniaŭ, śćviardžaje Financial Times na padstavie ekśpiertnych acenak z šerahu jeŭrapiejskich krain.
U 2024 hodzie ŭžo zafiksavana niekalki dyviersij.
FT pryvodzić u publikacyi niekalki prykładaŭ užo daskanałych u krainach Jeŭropy niadaŭnich dyviersij. Tak, u kancy krasavika ŭ Vialikabrytanii dvoje mužčyn zładzili pažar na składzie z hruzami dapamohi dla Ukrainy. Brytanskija prakurory abvinavačvali ich u pracy na rasijski ŭrad.
U Šviecyi słužby biaśpieki rasśledujuć sieryju niadaŭnich čyhunačnych katastrof, jakija, na ich dumku, mohuć być aktami dyviersij, padtrymanymi Rasijaj. Ahienty Kramla taksama sprabavali źniščyć sistemy sihnalizacyi na Češskich čyhunkach, pryvodzić vydańnie słovy ministra transpartu Čechii.
U Estonii napad na mašynu ministra ŭnutranych spraŭ u lutym i na žurnalistaŭ byŭ ździejśnieny supracoŭnikami rasiejskaj vyviedki, zajaviła Słužba biaśpieki krainy. Minabarony Francyi taksama papiaredziła ab mahčymych dyviersijnych napadach Rasiei na vajskovyja abjekty.
«Vidavočnaja vysnova palahaje ŭ tym, što aktyŭnaść Rasii sapraŭdy ŭzrasła», — zajaviŭ žurnalistam Kiejr Džajłs, staršy navukovy supracoŭnik analityčnaha centra Chatham House.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary