Śpiecsłužby Polščy pačali praviarać, kolki sakretnaj infarmacyi moh vyvieźci sudździa Šmit
Polski sudździa Tomaš Šmit, jaki paprasiŭ prytułku ŭ Biełarusi, pavinien byŭ uvajści ŭ skład kalehii, jakaja zajmajecca pytańniami admovy ŭ vydačy dopusku da sakretnaj infarmacyi NATA i Jeŭrasajuza. Ahienctva ŭnutranaj biaśpieki Polščy pačało z hetaj nahody pravierku, piša «Radyjo Svaboda».
Pra pačatak pravierki ŭ sacyjalnaj sietcy Ch napisaŭ pres-sakratar ministra-kaardynatara śpiecyjalnych słužbaŭ Polščy Jacek Dabžynski.
«Siońnia Ahienctva ŭnutranaj biaśpieki pačało pravierku abjomu sakretnaj infarmacyi, da jakoj sudździa vajavodskaha administracyjnaha suda, jaki paprasiŭ prytułku ŭ Biełarusi, mieŭ dostup u suviazi sa svajoj funkcyjaj i spravami, jakija jon vioŭ», — paviedamiŭ Jacek Dabžynski.
Jak piša partał Prawo.pl, u červieni Tomaš Šmit pavinien byŭ uvajści ŭ skład kalehii, jakaja zajmajecca pytańniami admovy ŭ vydačy dopusku da sakretnaj infarmacyi. Da ich adnosiacca dakumienty NATA, Jeŭrasajuza i Jeŭrapiejskaha kaśmičnaha ahienctva z hryfami «sakretna». Taksama Tomaš Šmit pavinien byŭ stać dakładčykam pa piaci spravach, zaviedzienych suprać kiraŭnika Ahienctva ŭnutranaj biaśpieki Polščy.
Pa słovach pradstaŭnika Vyšejšaha administracyjnaha suda Silviestra Marciniaka, sudździu Šmita śpiecsłužby praviarali da ŭstupleńnia na pasadu, ale paśla pravierak nie pravodzili, choć jon vynosiŭ rašeńni pa sakretnych spravach.
Ciapier Mazaviecki adździeł Nacyjanalnaj prakuratury Polščy pačaŭ pravierku ŭ dačynieńni da Šmita ŭ ramkach artykuła Kryminalnaha kodeksa ab špijanažy (za špijanaž u Polščy pahražaje ad 8 hadoŭ pazbaŭleńnia voli abo pažyćciovaje źniavoleńnie).
«Šmit u adpačynku da 10 maja». Vajavodski sud Varšavy prakamientavaŭ ucioki sudździ ŭ Biełaruś
«Zdradnik i padluha». Daradca prezidenta Polščy — pra sudździu Šmita, jaki źbieh u Biełaruś
«Absalutna šakujučy vypadak». Kiraŭnik MZS Polščy prakamientavaŭ namier polskaha sudździ prasić palityčny prytułak u Biełarusi
Što za sudździa, jaki źbieh z Polščy da Łukašenki? Tomaš Šmit datyčny da źlivu kampramatu na kaleh
Polski sudździa paprasiŭ abarony ŭ biełaruskich uładaŭ
Kamientary