U stalicy Zimbabve Charare hatovyja pastavić pomnik «pieramozie Savieckaha Sajuza nad fašyzmam u Vialikaj Ajčynnaj vajnie», paviedamlajuć rasijskija i biełaruskija dziaržaŭnyja ŚMI, padkreślivajučy, što taki pomnik budzie «pieršym na afrykanskim kantyniencie».
Pavodle słoŭ Džozefa Nkani, aficyjnaha pradstaŭnika Muzieja afrykanskaha vyzvaleńnia, u jakim źbirajucca pastavić pomnik, jon maje stać «adnym z centraŭ miemaryjalnaj ekspazicyi «Horada vyzvaleńnia».
Zimbabvijski muziejščyk bačyć simvalizm u tym, što manumient budzie stajać na ŭzhorku pry ŭjeździe ŭ Charare z zachadu, i pravodzić pry hetym histaryčnyja paraleli:
«Hitleraŭskija połčyščy ŭvarvalisia ŭ Saviecki Sajuz u 1941 hodzie mienavita z zachadu, jak i paŭstahodździa da hetaha — Brytanski ekśpiedycyjny korpus u [našu] krainu. Vorahaŭ našych narodaŭ u vyniku čakaŭ adzin i toj ža haniebny kaniec».
Prytym nibyta «mienavita poŭnaja paraza, jakuju nanios SSSR hitleraŭskamu fašyzmu, natchniła afrykancaŭ na vyzvalenčuju baraćbu, dała nadzieju skinuć kałanijalnaje jarmo».
Zimbabve — adna z tych afrykanskich krain, jakaja maje mocnyja palityčnyja suviazi z režymami Pucina i Łukašenki, pamiž imi sprabujuć zaviazvać i ekanamičnyja ŭzajemaadnosiny, mnohija aśpiekty jakich — niepubličnyja, jakija viaducca, naprykład, praz kampanii, źviazanyja z afilijavanym z łukašenkaŭskim režymam biznesmienam Alaksandram Zinhmanam.
Nacyjanalnaj valutaj u Zimbabve ciapier budzie zołata
Prezidentu Zimbabve padaryli noŭtbuk «Haryzont»
Prezident Zimbabve doŭha nie moh zavieści traktar ad Łukašenki VIDEA
Biełaruskija siłaviki buduć pieradavać vopyt zimbabvijskim
«Dapamahła sabrać rekordny dla Zimbabve ŭradžaj». Pra što havaryli ŭ svaich navahodnich zvarotach rehijanalnyja čynoŭniki
Ciapier čytajuć
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła16
Kamientary