U minskim delfinaryi delfin padčas šou vylecieŭ za kraj basiejna ŭ hladzielnuju zału
U minskim delfinaryi adna z žyviolin padčas pradstaŭleńnia apynułasia za miežami basiejna z vadoj. Videa lažačaha delfina źjaviłasia ŭ tyktoku, dzie nabrała bolš za 20 młn prahladaŭ, zaŭvažyła «Lusterka».
U roliku, jaki apublikavaŭ błohier ź nikam blrdriver, vidać, što delfin, jaki vyskačyŭ z vady, spačatku biezdapamožna lažyć kala kraju basiejna.
Paźniej da jaho padychodziać, miarkujučy pa ŭsim, rabotniki delfinaryja. Adzin ź ich prynosić śpiecyjalnaje prystasavańnie — jaho padkładajuć pad žyviolinu. Z dapamohaj takich «nasiłak» delfina padniali i viarnuli ŭ vadu. Pakul ich surodziča ratavali, za dziejańniami ludziej z vady nazirali jašče try delfiny.
Videa ŭ vyniku sabrała zvyš 20 miljonaŭ prahladaŭ, sotni tysiač łajkaŭ i tysiačy kamientaroŭ — nie tolki biełarusaŭ, ale i inšaziemcaŭ. Samy papularny vodhuk: «Takoje surovaje žyćcio dla takich vydatnych stvareńniaŭ» (Such a cruel life for such beautiful creatures).
Uvohule takija zdareńni z delfinami čas ad času zdarajucca. Tak, u sakaviku 2023 hoda padobnaje adbyłosia ŭ minskim delfinaryi «Niema». Delfin tady, vidać, atrymaŭ traŭmu — vidavočcy paviedamlali, što bačyli kroŭ.
Kamientary
Tyja, chto vodzić tudy dziaciej, asabliva nie adroźnivajucca ad musaroŭ.