Preparat ad stareńnia byŭ upieršyniu pratestavany na ludziach. Paśpiachova
Kamanda z navukoŭcaŭ z ZŠA bolš za 10 hadoŭ raspracoŭvała preparat, jaki zmoža źniščać starejučyja kletki i tym samym amałodžvać arhanizm žyvych istot. Novaje chimičnaje złučeńnie spačatku vydatna siabie pakazała na myšach, a ciapier prademanstravała pieršyja stanoŭčyja vyniki ŭ ludziej. Kali čakać u prodažy?
Ekśpierymientalny preparat ad stareńnia, raspracavany šeraham klinik i łabaratoryj pry niekalkich univiersitetach ZŠA, zaśviedčyŭ pieršyja pośpiechi padčas testaŭ na ludziach. Praca nad preparatam išła bolš za 10 hadoŭ, paviedamlaje bujny navukovy časopis Nature.
Preparat atrymaŭ nazvu «Fasiełutakłaks» (Foselutoclax) i nakiravany na błakavańnie dy źniščeńnie starejučych kletak arhanizma, nazapašvańnie z hadami jakich mocna spryjaje raźvićciu dyjabietu, demiencyi, asteaparozu, sercava-sudzinnych patałohij i inšych surjoznych zachvorvańniaŭ.
Asnoŭnym daminujučym białkom u starejučych kletkach čałavieka źjaŭjalajecca BCL-xL, suprać jakoha i zmahajecca novy preparat.
«Testy na myšach pakazali vysokuju efiektyŭnaść Fasiełutakłaksa. Jon akuratna źniščaŭ starejučyja kletki, nie čaplajučy zdarovyja, što vyklikała adnaŭleńnie tkanak i amaładžeńnie orhanaŭ. U niekatorych myšej palapšaŭsia zrok, a ŭ asobin, chvorych na dyjabiet, značna ŭmacoŭvalisia kryvianosnyja sudziny.
Nie mienš stanoŭčyja efiekty byli i ŭ ludziej. Padrabiaznyja vyniki testaŭ nad 30 paddoślednymi buduć apublikavanyja ŭ kancy hetaha hoda», — piša Nature sa spasyłkaj na kamandu navukoŭcaŭ.
Daśledčyki vykazali ŭpeŭnienaść, što atrymajuć aficyjny dazvoł na šyroki prodaž preparata klijentam užo ŭ najbližejšyja 5 hadoŭ.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj58
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Kamientary