Vučonyja papiaredžvajuć: dabaŭki z rybinym tłuščam mohuć być škodnyja dla zdarovych ludziej
U toj ža čas jany karysnyja dla tych, chto maje sardečna-sasudzistyja zachvorvańni.
Rybin tłušč jak bahataja krynica tłuščavych kisłot amieha-3 časta rekamiendujecca ŭ jakaści prafiłaktyčnaha dyjetyčnaha srodku dla praduchileńnia raźvićcia sardečna-sasudzistych zachvorvańniaŭ. Jamu taksama prypisvajuć roznyja inšyja karysnyja efiekty, takija jak palahčeńnie boli ŭ sustavach.
Ale vyniki daśledavańnia, apublikavanyja ŭ časopisie BMJ Medicine, pakazvajuć, što rehularnaje spažyvańnie bijadabavak z rybinym tłuščam patencyjna moža pavialičyć, a nie źnizić ryzyku chvarobaŭ serca i insultu ŭ zdarovych ludziej. A voś u tych ludziej, jakija ŭžo majuć sardečna-sasudzistyja zachvorvańni, jon moža zapavolić ich prahres.
Kahortnaje daśledavańnie było praviedziena na padstavie źviestak ź bijabanku Vialikabrytanii zvyš 415 tysiač čałaviek va ŭzroście ad 40 da 69 hadoŭ za pieryjad z 2006 pa 2021 hady. Pry hetym siaredni termin nazirańnia skłaŭ 11,9 hoda.
Vučonyja imknulisia vyśvietlić suviaź pamiž dabaŭkami rybinaha tłušču i novymi vypadkami fibrylacyi pieradserdziaŭ, sardečnych prystupaŭ, insultaŭ, sardečnaj niedastatkovaści i śmierci.
Praanalizavaŭšy zachvorvańnie i śmiarotnaść udzielnikaŭ, aŭtary pryjšli da vysnovy, što spažyvańnie dabavak z rybinym tłuščam akazvaje rozny ŭpłyŭ na zdaroŭje sardečna-sasudzistaj sistemy, prahres zachvorvańniaŭ i śmierć.
Dla tych, u kaho ŭ pačatku pieryjadu nazirańnia nie było vyjaŭlena sardečna-sasudzistych zachvorvańniaŭ, rehularnaje ŭžyvańnie dabavak z rybinym tłuščam było źviazana z pavyšeńniem ryzyki raźvićcia fibrylacyi pieradserdziaŭ na 13%, insultu — na 5%.
U toj ža čas u pacyjentaŭ z sardečna-sasudzistymi zachvorvańniami pryjom rybinaha tłušču byŭ źviazany sa źnižeńniem na 15% ryzyki prahresu fibrylacyi pieradserdziaŭ da sardečnaha prystupu, i na 9% — sardečnaj niedastatkovaści da śmierci.
Vučonyja adznačajuć, što nieabchodnyja dalejšyja daśledavańni, kab vyznačyć dakładnyja miechanizmy raźvićcia i prahnozu sardečna-sasudzistych zachvorvańniaŭ pry rehularnym vykarystańni dabavak z rybinym tłuščam.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary