Na Alascy łasicha zabiła fatohrafa, jaki chacieŭ źniać jaje łasianiat
70-hadovy Dejł Čorman hulaŭ pa lesie razam ź siabram. Raptam z kustoŭ na jaho vylecieła samka łasia i kinułasia ŭ ataku. Čorman zahinuŭ na miescy. Mužčyna, jaki supravadžaŭ zahinułaha, nie paciarpieŭ, paviedamlaje Bi-bi-si.
Departamient hramadskaj biaśpieki Alaski paviedamiŭ Bi-bi-si, što Čorman admysłova šukaŭ łasioŭ i ich małych, kab zrabić pryhožyja fatahrafii. Jašče adzin siabar achviary dadaŭ, što łasicha źjaviłasia niečakana i zaśpieła Čormana źnianacku.
«Jany kinulisia biehčy, siabar azirnuŭsia i ŭbačyŭ, što Dejł lažyć na ziamli, a łasicha staić nad im», — raskazaŭ jon słužbie navin Alaski.
Miedyki kanstatavali śmierć Čormana na miescy zdareńnia.
Tym časam łasicha razam z łasianiatami pakinuła hety rajon. Siamja zahinułaha paprasiła nie šukać žyviolinu, bo jana abaraniała svaich dziaciej. Daśviedčany fatohraf moh pradbačyć takoje raźvićcio padziej, ličyć syn Čormana.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary