70-гадовы Дэйл Чорман гуляў па лесе разам з сябрам. Раптам з кустоў на яго вылецела самка лася і кінулася ў атаку. Чорман загінуў на месцы. Мужчына, які суправаджаў загінулага, не пацярпеў, паведамляе Бі-бі-сі.
Дэпартамент грамадскай бяспекі Аляскі паведаміў Бі-бі-сі, што Чорман адмыслова шукаў ласёў і іх малых, каб зрабіць прыгожыя фатаграфіі. Яшчэ адзін сябар ахвяры дадаў, што ласіха з'явілася нечакана і заспела Чормана знянацку.
«Яны кінуліся бегчы, сябар азірнуўся і ўбачыў, што Дэйл ляжыць на зямлі, а ласіха стаіць над ім», — расказаў ён службе навін Аляскі.
Медыкі канстатавалі смерць Чормана на месцы здарэння.
Тым часам ласіха разам з ласянятамі пакінула гэты раён. Сям'я загінулага папрасіла не шукаць жывёліну, бо яна абараняла сваіх дзяцей. Дасведчаны фатограф мог прадбачыць такое развіццё падзей, лічыць сын Чормана.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі7
Каментары