Rasijskija śpiecsłužby biesprecedentna ŭzmacnili i da taho vysoki ŭzrovień achovy Uładzimira Pucina — pa rekamiendacyi śpiecsłužbaŭ padčas publičnych mierapryjemstvaŭ na adkrytym pavietry jon pačaŭ nasić broniekamizelku, raskazali vydańniu The Moscow Times dva rasijskija čynoŭniki i paćvierdziła krynica, blizkaja da Kramla.
Pa słovach čynoŭnika, jaki nieadnarazova asabista bačyŭ Pucina padčas jaho publičnych mierapryjemstvaŭ, nasić broniekamizelku jon pačaŭ jašče ŭ 2023 hodzie pa rekamiendacyi Fiederalnaj słužby achovy i Słužby biaśpieki prezidenta.
«Sioleta 9 maja padčas paradu načalnik absalutna dakładna byŭ u prychavanaj broniekamizelcy. I hetaja miera zaściarohi, ja miarkuju, pravilnaja», — raskazaŭ rasijski čynoŭnik, jaki prysutničaŭ na Krasnaj płoščy padčas paradu.
Džejd Miler, brytanskaja kansultantka ŭ pytańniach biaśpieki, na prośbu The Moscow Times vyvučyła videakadry z vystupleńniem Pucina na paradzie 9 maja 2024 hoda i pryjšła da vysnovy, što jon sapraŭdy byŭ apranuty ŭ broniekamizelku.
«Pucin chodzić davoli skavana, i na śpinie jaho palito nie vidać naturalnych zmorščyn pry chadzie i pocisku ruki vajskoŭcaŭ, — skazała Miler. — Vierchniaja častka cieła Pucina vyhladaje nienaturalna, a jahonyja plečy zdajucca davoli šyrokimi i kvadratnymi, nie vidać formy śpiny i łapatak».
Pa słovach ekśpiertki, pa pavodzinach Pucina možna zrabić vysnovu, što pad palito nadzieta niešta, što dastaŭlaje jamu dyskamfort pry chadzie.
«U šerahu vypadkaŭ jon padymaje i papraŭlaje plečy, što śviedčyć pra dyskamfort ad taho, jak balistyčnaja kamizelka siadzić na plačach, i pry praciahłym našeńni jaje vaha moža vyklikać razdražnieńnie i dyskamfort».
«Vidać, što Pucin trymaje palito vysoka zašpilenym, i vidać, što jon praviaraje, ci zašpilenaje jano, jak byccam sprabuje pierakanacca, što nichto nie bačyć, što pad palito. Na maju prafiesijnuju dumku, Pucin padčas naviedvańnia parada nosić niejkuju formu balistyčnaj abarony», — kanstatuje Miler.
Aficyjna Kreml admaŭlaje nieabchodnaść pavyšeńnia mier biaśpieki dla Uładzimira Pucina.
«[Miery biaśpieki] na zvyčajnym uzroŭni. Robicca toje, što treba dla harantavańnia biaśpieki prezidenta», — kazaŭ u siaredzinie maja pres-sakratar Pucina Dźmitryj Piaskoŭ, kamientujučy zamach na słavackaha premjera Robierta Fica.
Pucin spuściŭsia z samalota da Łukašenki pa kulenieprabivalnym trapie FOTAFAKT
Alaksiej Tałaj — Pucinu: My — ruskija, z nami Boh!
Rasija hatovaja praciahvać Stambulski pieramoŭny praces — Pucin
«Buduć aryštavanyja sotni ludziej». Pucin zahadaŭ FSB začyścić Minabarony, kab pakarać za pravały va Ukrainie
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary
- Chto, chto, koń....Chu*ło ŭ broniekamizelcy!