Nazvanaja samaja darahaja kvatera ŭ Minsku, nabytaja ŭ mai. Heta pientchaus u elitnym rajonie
Kvatera płoščaj 200 m2 biez unutranaha azdableńnia i pieraharodak pajšła za 357 tysiač dalaraŭ.
Śpiecyjalisty padličyli, u kolki abyšłasia pakupniku samaja darahaja staličnaja kvatera z tych, jakija byli pradadzienyja ŭ mai, piša Tochka.by.
Havorka idzie pra elitny ŽK «Alimpik Park» u vielmi vyhadnym miescy: kala zakaźnika i vadaschovišča Drazdy ŭ mikrarajonie Lebiadziny.
U domie 2018 hoda pabudovy ŭsiaho siem pavierchaŭ, na apošnim raźmiaščajucca pientchausy.
Adzin ź ich i atrymaŭ haspadara ŭ mai. Kvatera płoščaj 197,7 m2 biez unutranaha azdableńnia i pieraharodak abyšłasia ŭ $357 tys., abo $1806 za «kvadrat».
U minułym miesiacy — istotna daražej
Raniej byli apublikavanyja źviestki ab krasavickich rekardsmienach u stalicy. Tady daražej za ŭsich pradali dvuchuzroŭnievuju kvateru pa vulicy Zacharava.
Novy ŭładalnik zapłaciŭ za jaje $518 tys., cana «kvadrata» skłała $2932. Stoli ŭ niatannaj kvatery 00 amal 3 m, a azdableńnie čarnavoje.
Kamientary