Ź jakoj nahody?
Pavieł Łatuška. Skryn videa: radio-svaboda / YouTube
U prahramie «Śviedki Łukašenki» na «Radyjo Svaboda» Pavieł Łatuška raskazaŭ, navošta Łukašenku patrebny byŭ taki biełaruskamoŭny čynoŭnik, jak jon.
Pa słovach Łatuški, Łukašenka ŭ asabistaj ź im razmovie pryznaŭsia:
«Ja vas padtrymlivaju (jon usio ž taki kazaŭ mnie «vy») u tym, što vy razmaŭlajecie na biełaruskaj movie. Kali b ja moh, ja b taksama pačaŭ razmaŭlać na biełaruskaj movie. Ale jakuju canu mnie prapanuje za haz i naftu Miadźviedzieŭ (jaki tady byŭ prezidentam u Rasii. — NN)».
Palityk zaŭvažaje, što pad čas hetaj razmovy ŭ jaho ŭźnikła adčuvańnie: «Možna pradać svajo, rodnaje, nacyjanalnaje za naftu i haz». Mahčyma, praciahvaje Łatuška, z punktu hledžańnia taktyki, niechta paličyć takuju pazicyju pravilnaj — zachavać dziaržaŭnaść. «Ale z punktu hledžańnia stratehii heta aznačaje ŭ pierśpiektyvie zhubić usio. Zhubić dziaržavu, kali ty nie razumieješ, što źjaŭlajecca padmurkam dla kožnaj dziaržavy. Heta narod, jaki razumieje, što takoje nacyjanalnaja kultura, mova».
Łatuška ličyć, što ŭ niejkim sensie Łukašenku było vyhadna mieć biełaruskamoŭnaha ministra: «Ja dumaju, jon pradavaŭ hety miesedž. «Hladzicie, u mianie ž małady ministr. Jon uvohule biełaruski».
Akramia hetaha, jak zhadvaje Łatuška, jaho ličyli prajeŭrapiejskim. «Pamiataju Miaśnikovič (premjer-ministr Biełarusi ŭ 2010-2014 hadach. — NN) na pasiadžeńni ŭradu kaža mnie:
«Nu ŭ nas tut jość adzin prajeŭrapiejski ministr». Voś takuju mianušku mnie davali — «prajeŭrapiejski». Byŭ ja takim ci nie, ale heta tak sprabavali pradavać».
***
Pavieł Łatuška — kiraŭnik Narodnaha antykryzisnaha ŭpraŭleńnia, namieśnik kiraŭnicy Abjadnanaha pierachodnaha kabinieta. U minułym pres-sakratar MZS (2000-2002), pasoł Biełarusi ŭ Polščy (2002-2008) i Francyi (2012-2019), ministr kultury Biełarusi (2009-2012).
«Staršynia KDB kazaŭ, što zachodnija pasły staviać na mianie jak na budučaha kiraŭnika krainy» — Łatuška pra čas pracy ministram
Łatuška pra hrupu biełaruskich dyviersantaŭ, zakinutych u Jeŭrasajuz: Metaj moža być likvidacyja jak mianie, tak i Sachaščyka
Łatuška raskazaŭ, jak zabaraniaŭ repieru Siarohu vystupać, kali byŭ ministram kultury
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć2
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary