Akcyjaniery Tesla ŭchvalili vypłatu rekordnych $56 młrd Iłanu Masku
«Ja prosta chaču pačać z taho, što, čort pabiary, ja lublu vas, chłopcy», — skazaŭ Mask paśla abviaščeńnia vynikaŭ.
Akcyjaniery Tesla prahałasavali za vypłatu rekordnaha kampiensacyjnaha pakieta zasnavalniku i hienieralnamu dyrektaru kampanii Iłanu Masku ŭ pamiery 56 młrd dalaraŭ, a taksama pieranos štab-kvatery Tesla sa štata Dełaver u Techas, piša Bi-bi-si.
U čaćvier stała viadoma, što akcyjaniery papiarednie padtrymali vypłatu rekordnaha bonusa ŭ historyi amierykanskich publičnych kampanij, uviečary ab vynikach hałasavańnia było abvieščana aficyjna padčas štohadovaha zboru akcyjanieraŭ.
«Ja prosta chaču pačać z taho, što, čort pabiary, ja lublu vas, chłopcy», — skazaŭ Mask paśla abviaščeńnia vynikaŭ.
Pakiet byŭ pieršapačatkova ŭchvaleny ŭ 2018 hodzie, ale paśla pazovu adnaho z akcyjanieraŭ sud štata Dełaver admianiŭ jaho.
Ekśpierty havorać, što hałasavańnie ŭ čaćvier nie aznačaje, što Mask aŭtamatyčna atrymaje vypłatu, pakolki sud moža nie pryznać rašeńnie akcyjanieraŭ.
U radzie dyrektaraŭ Tesla zajaŭlali, što Mask zasłuhoŭvaje takoj uznaharody, pakolki kampanija pad jaho kiraŭnictvam dasiahnuła ambicyjnych met, i ŭ miljardera pavinien być stymuł zastavacca addanym Tesla.
Pryniaty ŭ 2018 hodzie płan mieŭ na ŭvazie, što Iłonu Masku, jaki aficyjna nie atrymlivaje zarpłatu ŭ Tesla, u jakaści ŭznaharody vypłaciać 56 młrd dalaraŭ, kali kapitalizacyja i vyručka kampanii dasiahnuć peŭnych pakazčykaŭ (heta ŭmova była vykanana).
Ciapier čytajuć
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary