U «Vostrava čyścini» zastałosia tolki 109 kram. A niekali ich było 600
Z pačatku hoda pastupova skaračajecca kolkaść mahazinaŭ bytavoj chimii, srodkaŭ hihijeny i parfumieryi «Vostraŭ čyścini i smaku». Dynamika hetaha pracesu nasiła nieraŭnamierny charaktar, ale apošnija tydni tempy zakryćciaŭ znoŭ paskorylisia, piša Office Life.
Ciapier na sajcie retejlera paznačanyja 109 dziejnych handlovych abjektaŭ. Pry hetym amal pałova kram znachodzicca ŭ Minsku i Minskaj vobłaści. U Homielskaj vobłaści znojdziena 16 handlovych punktaŭ, u Viciebskaj — 14, u Hrodzienskaj — 8, u Mahiloŭskaj — 6.
U lutym 2024 hoda zasnavalnik hrupy kampanij «Romaks» Viktar Ramuk zajaŭlaŭ pra žadańnie viarnuć kolkaść kram «Vostraŭ čyścini i smaku» da raniejšaj kolkaści — 600 abjektaŭ. Na toj momant ich było kala 480. To-bok usiaho za 4 miesiacy kolkaść handlovych abjektaŭ sietki «ŭsochła» ŭ 4,4 razu.
Biznesmen źviazvaŭ «aptymizacyju sietki» z ekanomikaj kampanii. Pry hetym Ramuk pryznaŭsia, što kupla sietki aptek «nie dała patrebnaha efiektu i pahoršyła finansavy stan kampanii ŭ cełym». Akramia taho, mnohija pastaŭščyki źmianili formu apłaty i pieraviali retejlera na pieradapłatu.
U vyniku było vyrašana zachavać prysutnaść sietki va ŭsich haradach, ale handlovyja punkty, jakija byli blizka adzin ad adnaho, zakryli.
U krasaviku zasnavalnik HK «Romaks» śćviardžaŭ, što kampanii ŭdałosia restrukturyzavać kredytorskuju zapazyčanaść, znajści rasijskaha biznes-partniora dla raźvićcia sietki «Vostraŭ čyścini i smaku» i kupca na farmaceŭtyčny biznes. Adnak užo ŭ mai stała viadoma, što adrazu piać jurydyčnych asob, jakija ŭvachodziać u pierymietr intaresaŭ hrupy kampanij «Romaks» i źviazanyja ź sietkaj «Vostraŭ čyścini i smaku», likvidujucca.
Padziei, jakija adbyvajucca, źmianili raskład sił u hetym siehmiencie rynku. U asnoŭnaha kankurenta «Vostrava čyścini i smaku» — sietki «Miła» — ciapier 563 handlovyja abjekty. Na biełaruski rynak vychodziać rasijskija apieratary. Plus umacavali pazicyi markietplejsy i bujnyja praduktovyja retejlery, jakija prapanujuć šyroki vybar bytavoj chimii i srodkaŭ hihijeny.
«Nie mahła navat ujavić, što takaja sietka zhaleje». Što adbyvajecca z «Vostravam čyścini», raspaviali pradaŭcy
«Vostraŭ čyścini» likviduje svaje jurydyčnyja asoby
«Vostraŭ čyścini» adkryje kramy, jakija začynilisia — uładalnik sietki znajšoŭ rasijskaha inviestara
«Ab zakryćci havorka nie idzie». Zasnavalnik «Vostrava čyścini i smaku» prakamientavaŭ prablemy biznesu
U «Vostravie čyścini» pierastała pracavać dastaŭka. Što tam adbyvajecca
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»26
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna29
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary