«Vostraŭ čyścini» adkryje kramy, jakija začynilisia — uładalnik sietki znajšoŭ rasijskaha inviestara
Astatnija kramy buduć pieradadzienyja pad franšyzu.
Hiendyrektar «Vostrava čyścini» Viktar Ramuk raspavioŭ, što znajšoŭ inviestara i adkryvaje kramy, jakija začynilisia.
U vieraśni 2022 hoda źjaviłasia infarmacyja ab zatrymańni hiendyrektara «Vostrava čyścini» Viktara Ramuka. Praz hod jahony biznes byŭ na miažy bankructva: krynicy «Našaj Nivy» śćviardžali, što vielizarny vykup za vychad ułaśnika ź SIZA i prablemnaja biznes-madel pahražajuć kampanii zakryćciom.
U śviežym intervju vydańniu «Pra biznes» biznesoviec raspavioŭ, što kampanija prajšła składany pieryjad. Sa słoŭ Ramuka, jamu ŭdałosia znajści inviestara ŭ Rasii.
«Urad nas padtrymaŭ, pasadziejničaŭ u pieramovach z bankami: usimi tymi ž, što byli ŭ nas u kredytnym partfieli pa pytańni restrukturyzacyi. Dziakujučy sadziejničańniu bankaŭ my znajšli biznes-partniora z Rasijskaj Fiederacyi.
Na ciapierašni momant nazyvać imia inviestara, napeŭna, nie zusim pravilna, tamu što ździełka znachodzicca jašče na stadyi padpisańnia inviestycyjnaha dahavora. Partniorstva efiektyŭna dla dvuch bakoŭ biznesu. My ŭzmacniajem našy pazicyi za košt partniora, a partnior u siabie na svaim rynku — za košt našaj ekśpiertyzy ŭ rytejle, z našymi kantraktami», — raspavioŭ Ramuk.
Pa słovach pradprymalnika, inviestar ź vialikim vopytam u vytvorčaści i prodažy bytavoj chimii hatovy ŭkładvacca ŭ fabryku «Vostrava čyścini», a taksama ŭ transpartnuju kampaniju.
Ramuk anansavaŭ adkryćcio častki začynienych mahazinaŭ sietki. Usiaho buduć pracavać 350 handlovych abjektaŭ. Astatnija 130 kram buduć pieradadzienyja pad franšyzu «Vostrava čyścini». Ramuk upeŭnieny, što takoje rašeńnie pryviadzie da chutkaha pašyreńnia biznesu. Z dapamohaj franšyzy pradprymalnik vierniecca da handlu ŭ 650 kramach, jakija pracavali da kryzisu ŭ kampanii ŭ 2023 hodzie.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary