Z 56 da 28%. Tak za hod źmienšyłasia dola biełarusaŭ pry pracoŭnaj mihracyi ŭ Litvu
Słužba zaniataści Litvy paviedamiła, što kolkaść imihrantaŭ, jakija pryjazdžajuć u Litvu na zarobki, pa-raniejšamu raście. U pieršym kvartale hetaha hoda litoŭcy vydali 1878 dazvołaŭ na pracu rabotnikam z trecich krain. Heta ŭ dva razy bolš, čym hod tamu za toj ža čas (934), piša Delfi.lt.
U toj ža čas struktura pryjezdžych pa hramadzianstvie za hod vielmi źmianiłasia.
Bolš za ŭsio pryjezdžych pa-raniejšamu hramadzianie Biełarusi, adnak u pracentnych adnosinach ich stała prybyvać mienš, usiaho 28% (u 2023 hodzie — 56%).
«U pačatku hoda bolš čym u dva razy vyrasła płyń inšaziemcaŭ z trecich krain. Lidary tut hramadzianie krain Siaredniaj Azii, praŭda, pakul jašče biełarusaŭ pryjazdžaje bolš», — skazała pradstaŭnica Słužby zaniataści Ernesta Varnajcie.
Asabliva bolšaje hramadzian Uźbiekistana: kolkaść dazvołaŭ na pracu, jakija vydajucca im, za hod vyrasła z 4 da 24%, kab dahnać pa dynamicy biełarusaŭ, zastałosia zusim krychu. Dalej iduć hramadzianie Kyrhyzstana — 12%.
88% inšaziemcaŭ, jakija prybyvajuć u Litvu — mužčyny. Čaściej za ŭsio siudy na zarobki pryjazdžajuć kiroŭcy vialikahruznych mašyn, ich 51%.
Usiaho, pavodle źviestak na 1 červienia 2024 hoda, u Litvie pracavali 137 400 hramadzian trecich krain: 48 600 biełarusaŭ, 44 800 ukraincaŭ, 7400 uźbiekaŭ, 5800 kyrhyzaŭ i 5200 tadžykaŭ.
Paźniak vystupiŭ u Vilni — raskazaŭ pra budučyniu Biełarusi, a litoŭski radykał nazvaŭ jaho fašystam
«Mohuć staranna prašmanać, a mohuć adnym vokam hlanuć». Jak ciapier adbyvajecca kantrol na miažy ź Litvoj
«Zabarona na ŭvoz praduktaŭ vyhladaje niepryhoža, ale dyktujecca banalnymi patrebami biaśpieki»
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary