Mis Biełaruś nazvała hańbaj, što nie adkazała na pytańnie pra aŭtara «Paŭlinki»
«Ja sieła ŭ łužynu ŭsim ciełam», — kaža Eleanora Kačałoŭskaja.
Pieramožca konkursu pryhažości «Mis Biełaruś-2023» Eleanora Kačałoŭskaja ŭ efiry «Biełaruś 1» patłumačyła, čamu nie zmahła adkazać na pytańnie pra aŭtara pjesy «Paŭlinka» ŭ finale konkursu, piša belarus.kp.ru.
— U tuju siekundu ŭ mianie prosta ruchnuŭ śviet. Heta takaja vialikaja publičnaja hańba.
Jana pryznałasia, što dla jaje źjaŭlajecca zahadkaj, čamu sudździ konkursu daravali joj momant intelektualnaj viktaryny, kali jana nie zmahła adkazać na pytańnie: «Chto napisaŭ «Paŭlinku?»
Eleanora dadała, što, z adnaho boku, pryjšło razumieńnie, što jana skončyła ŭniviersitet kultury i mastactva, pisała pa «Paŭlincy» teatralny dziońnik.
— I ŭ niejkuju siekundu, kali ciabie ŭ łob zadajuć najprostaje pytańnie, jakoje, jak potym pisali ŭ kamientarach, pavinien viedać kožny biełarus, ty padaješ u łužynu, siadajučy ŭ jaje ŭsim ciełam. I adkazvaješ: «Nie viedaju». Voś heta byŭ moj adkaz.
Jana dadała, što nie adkazała na pytańnie z pryčyny zvyčajnaj razhublenaści.
— Napeŭna, imhniennaje hłupstva, zdranćvieńnie ad situacyi i niemahčymaść sabracca, być u sabie ŭpeŭnienaj, u svaich viedach i skazać: heta Janka Kupała.
Mis Biełaruś u intervju raspaviała pra chiejt, ź jakim sutyknułasia paśla konkursu.
— Mnie traplalisia ludzi ŭ 90% adekvatnyja, dobryja, jakija, napeŭna, bolš sa stanoŭčaha boku da mianie źviartalisia. I litaralna 10% — heta tyja, chto chacieŭ vykazać svajo mierkavańnie. Kali łaska, heta ich mierkavańnie, i jany majuć na heta prava. Ja nie ŭsprymała heta jak ahresiju, jak chiejt.
Kačałoŭskaja taksama pryznałasia, što ŭ pieršyja miesiacy paśla pieramohi ŭ konkursie bajałasia brać u ruki telefon i zachodzić u sacyjalnyja sietki.
— Zachodziš u sacyjalnuju sietku i baišsia ŭbačyć niejki hnieŭny list abo ahresiju na baćkoŭ, na blizkich ludziej. Voś bajałasia bolš, kali zakranuć niešta vielmi rodnaje i blizkaje, —pryznałasia Mis Biełaruś — 2023.
Hałoŭnaje — kab u filma byŭ chepi-end. BRSM zvadziŭ «Mis Biełaruś» na premjeru prapahandysckaj karciny
Ministr infarmacyi ŭručyŭ sioletniaj «Mis Biełaruś» zbor tvoraŭ Janki Kupały
«Mis Biełaruś — 2023» nie zmahła adkazać, chto napisaŭ «Paŭlinku»
Pad nahladam Alaksandra Łukašenki vybrali «Mis Biełaruś — 2023»
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?8
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
jana skončyła ŭniviersitet kultury i mastactva, pisała pa «Paŭlincy» teatralny dziońnik.
v Upałofskij jeje - tam takije nužny