Śviet

Lejbarysty ŭpeŭniena pieramahajuć na vybarach u Brytanii

Premjeram stanie 61-hadovy Kir Starmier.

Kir Starmier i jaho žonka Viktoryja Aleksander. Fota: Kin Cheung / AP

Apazicyjnaja Lejbarysckaja partyja pieramahaje na vybarach u Pałatu hramadaŭ Vialikabrytanii. Takija źviestki ekzitpołu, apublikavanaha Bi-bi-si paśla zakryćcia ŭčastkaŭ uviečary ŭ čaćvier, paviedamlaje Rasijskaja słužba Radyjo Svaboda.

Pavodle danych apytańnia na vychadzie z učastkaŭ, praviedzienaha kampanijaj Ipsos, lejbarysty mohuć atrymać 410 miescaŭ u Pałacie hramadaŭ z 650, to-bok absalutnuju bolšaść. Čakajecca, što ich lidar Kir Starmier sfarmuje ŭrad.

Kansiervatary paśla 14 hadoŭ va ŭładzie adpraviacca ŭ apazicyju. Ich vynik zhodna z ekzitpołam — 131 miesca, što niekalki bolš, čym pradkazvali pieradvybarnyja apytańni. Na trecim miescy libierał-demakraty, jany mohuć raźličvać na 61 mandat.

U parłamient prachodziać i prychilniki Najdžeła Faradža z pravapapulisckaj Partyi reformaŭ (13 mandataŭ). Značna pamienšycca pradstaŭnictva šatłandskich nacyjanalistaŭ — tolki 10 miescaŭ. 4 miescy atrymajuć valijskija nacyjanalisty, na dva moža pretendavać partyja Zialonych.

Pakolki vybary pravodziacca pa mažarytarnaj sistemie, i ŭ akruhach adryvy pamiž kandydatami mohuć być vielmi nievialikimi, kančatkovyja vyniki mohuć adroźnivacca ad danych ekzitpołu, adnak pieramoha lejbarystaŭ vyhladaje pradvyznačanaj.

Vyniki padliku hałasoŭ stanuć viadomyja da ranicy. Vierahodna, užo 5 lipienia premjer-ministr Ryšy Sunak, jaki staŭ premjeram u kastryčniku 2022 hoda, aficyjna padaść u adstaŭku.

Lejbarysty pravodzili kampaniju pad levacentrysckimi, adnosna pamiarkoŭnymi łozunhami (sam Starmier pradstaŭlaje centrysckaje kryło).

Jany zajaŭlajuć, što palityka Łondana ŭ dačynieńni da Ukrainy nie źmienicca — Brytanija praciahnie padtrymlivać hetuju krainu ŭ supraćstajańni z Rasijaj.

Lejbarysckaja (Rabočaja) partyja była stvorana ŭ 1900 hodzie, upieršyniu pryjšła da ŭłady roŭna sto hadoŭ tamu, u 1924 hodzie (urad Ramseja Makdonalda) i z taho času stała hałoŭnaj apazicyjnaj partyjaj Kansiervatyŭnaj partyi. Byli ŭrady Klemienta Etli, Haralda Vilsana, Džejmsa Kałahana, Toni Błera, apošni lejbaryscki ŭrad byŭ Hordana Brauna (2007—2010).

 

Kamientary

Ciapier čytajuć

U Hrodnie zahinuła 19-hadovaja dziaŭčyna, jaje aŭto sutyknułasia z mašynaj chutkaj dapamohi

U Hrodnie zahinuła 19-hadovaja dziaŭčyna, jaje aŭto sutyknułasia z mašynaj chutkaj dapamohi

Usie naviny →
Usie naviny

Pasiarod Adesy rasstralali eks-kiraŭnika siłavoha błoku Pravaha siektara

Uład Bumaha bankrutuje svoj biznes u Rasii

Na płoščy Pieramohi prapanujuć arendnuju kvateru za 163 rubli1

U Denviery ŭ aeraporcie zahareŭsia pasažyrski samalot

Uitkaf pieradaŭ detali pieramovaŭ u Maskvie3

Čynoŭnikam daručyli vieści ŭlik moładzi, jakaja vyjazdžaje za miažu na vučobu i pracu5

U 49 hadoŭ pamior eks-načalnik z Centralnaha RUUS Minska4

U Minsku pastavili pomnik ź impierskim arłom. Adkryvać pryjechaŭ pamočnik Pucina FOTY30

Biełaruski brend pradaje čepčyki i pinžaki z pupyrystaha polietylenu10

bolš čytanych navin
bolš łajkanych navin

U Hrodnie zahinuła 19-hadovaja dziaŭčyna, jaje aŭto sutyknułasia z mašynaj chutkaj dapamohi

U Hrodnie zahinuła 19-hadovaja dziaŭčyna, jaje aŭto sutyknułasia z mašynaj chutkaj dapamohi

Hałoŭnaje
Usie naviny →

Zaŭvaha:

 

 

 

 

Zakryć Paviedamić