Tramp rychtujecca da supiernictva z Kamałaj Charys za pasadu prezidenta ZŠA
45-y prezident, jak vidać, bolš nie raźličvaje na praciah pieradvybarnaj honki z Džo Bajdenam.
U videa, jakoje patrapiła ŭ sietku, były prezident ZŠA daje zrazumieć, što čakaje źniaćcia Bajdena z vybaraŭ, a ŭ jakaści svajho supiernika Tramp bačyć vice-prezidenta ZŠA Kamału Charys, piša Bild.
Na videazapisie, apublikavanym vydańniem The Daily Beast, Tramp siadzić u mašynie dla holfa i razmaŭlaje sa svaimi prychilnikami.
«Jon [Džo Bajden] prosta zdaŭsia, razumiejecie? Jon sastupaje ŭ honcy», — prakamientavaŭ Tramp niadaŭnija debaty ź dziejnym prezidentam ZŠA.
Pry hetym nieviadoma, kali mienavita byŭ źniaty zvarot Trampa — da abo paśla publikacyi New York Times ab tym, što Džo Bajden razhladaje mahčymaść vychadu ź pieradvybarnaj kampanii. Zrešty, Bieły dom aficyjna abvierh hetaje paviedamleńnie.
Tramp ža dadaŭ, što ŭ jaho chutka źjavicca novy palityčny supiernik. Na dumku byłoha prezidenta ZŠA, kandydatam ad demakrataŭ na prezidenckich vybarach stanie vice-prezident Kamała Charys.
Apytańnie, praviedzienaje vydańniem New York Times paśla našumiełych teledebataŭ, pakazała, što Donald Tramp u ciapierašni čas apiaredžvaje Džo Bajdena z vynikam 49% hałasoŭ suprać 43%.
Bieły dom abvierhnuŭ zajavy ŚMI pra sumnievy Bajdena nakont jaho abiralnaści
U demakrataŭ jość kandydatura, jakaja moža pieramahčy Trampa na vybarach — vyniki sacapytańnia
Bajden uzvažvaje, ci praciahvać udzielničać u pieradvybarnaj honcy
Bieły dom zajaviŭ, što ŭ Bajdena niama demiencyi abo chvaroby Alchiejmiera
«Zrabiŭ duraść»: Bajden pryznaŭsia, što ledź nie zasnuŭ na debatach z Trampam
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii5
Kamientary