«Vialikabrytanija — najlepšaja kraina ŭ śviecie», — skazaŭ Ryšy Sunak, pakidajučy siońnia svaju rezidencyju na Daŭninh-stryt.
Sunak, jaki zajmaŭ pasadu premjera z kastryčnika 2022 hoda paśla 50 dzion premjerstva Liz Tras, dadaŭ, što staŭ premjer-ministram praz dva pakaleńni paśla pryjezdu ŭ Vialikabrytaniju jaho babuli i dziaduli, piša Bi-bi-si.
Sunak padziakavaŭ svaim kaleham i siamji: žoncy i dočkam. Jon adznačyŭ, što nikoli nie zmoža vykazać im usioj svajoj padziaki za tyja achviary, na jakija jany pajšli, kab dazvolić jamu słužyć krainie.
U chodzie pazačarhovych vybaraŭ, što prajšli ŭ čaćvier, Lejbarysckaja partyja atrymała ŭpeŭnienuju pieramohu. Padlik hałasoŭ zavieršany jašče nie va ŭsich vybarčych akruhach, ale lejbarysty ŭžo aficyjna atrymali ŭ 412 z 650 miescaŭ u Pałacie hramadaŭ.
Lidar partyi Kir Starmier stanie premjeram. Apošni raz lejbarysty byli va ŭładzie 14 hadoŭ tamu (urad Hordana Braŭna). Kansiervatary zaraz atrymajuć, napeŭna, 119 miescaŭ — heta vielmi nizki vynik u historyi.
U karotkaj pramovie paśla abviaščeńnia vynikaŭ Starmier, u pryvatnaści, skazaŭ: «Pieramieny pačynajucca prosta tut, tamu što heta vaša demakratyja, vaša supolnaść, vaša budučynia. Vy prahałasavali. Ciapier pryjšoŭ čas nam vykonvać abiacańni».
Raniej Sunak pavinšavaŭ Starmiera ź pieramohaj. «Siońnia pieradača ŭłady z ruk u ruki projdzie ŭ mirnaj maniery, z dobraj volaj z usich bakoŭ. Heta pavinna dać nam usim upeŭnienaść u stabilnaści i budučyni našaj krainy. Brytanski narod siońnia vynies vierdykt, šmat čamu treba navučycca … i ja biaru na siabie adkaznaść za parazu», — skazaŭ Sunak.
Simvalična, što Lejbarysckaja partyja ŭpieršyniu pryjšła da ŭłady 100 hadoŭ tamu, u 1924 hodzie.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary