Maryn Lo Pen abiacaje admianić dazvoł Ukrainie bić francuzskaj zbrojaj pa Rasii
«Kali Makron choča adpravić vojski va Ukrainu, a premjer suprać hetaha, apošniaje słova za premjeram», — skazała Lo Pen.
De-fakta lidar ultrapravaj partyi «Nacyjanalnaje abjadnańnie» Maryn Lo Pen paabiacała, što premjer ad jaje partyi ŭ vypadku prychodu da ŭłady paśla druhoha tura parłamienckich vybaraŭ nie dazvolić Ukrainie vykarystoŭvać francuzskuju dalnabojnuju zbroju dla naniasieńnia ŭdaraŭ pa Rasii. Pra heta Maryn Lo Pen skazała ŭ intervju CNN, piša «Jeŭrapiejskaja praŭda».
Pavodle jaje słoŭ, akramia pasyłańnia francuzskich vojskaŭ, jakoje dapuskaŭ prezident Emaniuel Makron, dazvoł Kijevu na vykarystańnie francuzskich rakiet dalokaha radyusu dziejańnia na terytoryi Rasii taksama budzie admienieny.
Jana adznačyła, što adzinaj «čyrvonaj linijaj» u dačynieńni da Ukrainy źjaŭlajecca niedapuščeńnie taho, kab Francyja stała «vajujučym bokam» u vajnie z-za vykarystańnia hetych rakiet, jakija daje Paryž, suprać celaŭ na terytoryi RF.
«Kali Emaniuel Makron choča adpravić vojski va Ukrainu, a premjer-ministr suprać hetaha, to vojski nie buduć adpraŭlenyja va Ukrainu. Apošniaje słova za premjeram», — skazała Lo Pen.
U svaju čarhu farmalny lidar «Nacyjanalnaha abjadnańnia» Žardan Bardeła zajaviŭ, što ŭ vypadku prychodu jaho palityčnaj siły da ŭłady jon nie dazvolić Rasii «pahłynuć Ukrainu».
Taksama Bardeła zapeŭnivaŭ, što hatovy supraćstajać Rasii, kali jon stanie premjer-ministram paśla daterminovych parłamienckich vybaraŭ.
Vyniki apošnich dvuch apytańniaŭ u Francyi prahnazujuć, što pravapapulisckaje «Nacyjanalnaje abjadnańnie» ŭsio ž nie atrymaje absalutnaj bolšaści ŭ Nacyjanalnaj asamblei pa vynikach druhoha tura parłamienckich vybaraŭ 7 lipienia.
Pravapapulisckaje «Nacyjanalnaje abjadnańnie» i ich paplečniki nabrali bolš za 33% hałasoŭ u pieršym tury daterminovych parłamienckich vybaraŭ u Francyi 30 červienia.
Maryn Lo Pen: Kali my sfarmujem urad, francuzskich vajskoŭcaŭ va Ukrainie nie budzie
Kiraŭnik partyi Maryn Lo Pien vystupiŭ za pastaŭki Kijevu bojeprypasaŭ
Francuzskija ultrapravyja cicha vydalili prapanovy pa pahłybleńni supracoŭnictva z Rasijaj
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja
Mnohija jeŭrapiejskija ultrapravyja ŭžo daloka nie ultra. A staŭki Rasii znoŭ nie spracavali. Što jašče pakazali vybary ŭ Jeŭraparłamient
Kamientary