U novym vypusku TOKu eks-kandydat u prezidenty Alaksandr Milinkievič nazvaŭ najbolšaha kankurenta Cichanoŭskaj.
Milinkievič źviarnuŭ uvahu na rehłamient Kaardynacyjnaj rady.
«Pieršyja dziesiać punktaŭ rehłamientu dziejańniaŭ — heta jak adsunuć Cichanoŭskuju. Ja byŭ u šoku. Tam pieršyja punkty — jak jaje prakantralavać. A druhoje, jak zamianić jaje Ofis na lepšych ludziej. A kali nie budzie słuchacca, jak jaje adsunuć», —
dzielicca svaimi ŭražańniami palityk.
«Heta jak minimum infantylizm. Tamu što źniščać toje, što źjaŭlajecca zdabytkam usich, chto pratestavaŭ, chto da hetaha vystupaŭ, heta samaźniščeńnie, samapajadańnie. A moža, i horš. Moža, biaskoncaje žadańnie ŭłady. «Choču poruliť» pa-rusku. Plus zajzdraść».
Milinkievič adznačaje, što vielmi hetym zaniepakojeny, i ličyć kiraŭnictva Kaardynacyjnaj rady na čale z Jahoravym — «toj hrupaj, jakaja moža zaškodzić». Palityk spadziajecca, što jany adumajucca, bo «my ŭsie patoniem, bo ŭ adnoj łodcy».
U Alaksandra Milinkieviča taksama spytali, jakija kančatkovyja mety ŭ Paŭła Łatuški. Na heta palityk adkazaŭ, što Łatuška «zasłuhoŭvaje taho, kab być adnoj z važnych pierson u biełaruskaj demakratyčnaj palitycy».
Ale Milinkievič vykazaŭ upeŭnienaść u tym, što Łatuška nie źbirajecca «zmahacca ź Cichanoŭskaj i ssoŭvać jaje», bo «lepš za inšych razumieje, što Cichanoŭskaja vielmi važnaja, i my musim jaje padtrymlivać u siłu jaje lehitymnaści».
Pa słovach Milinkieviča, na budučych volnych vybarach Łatuška moža vyłučyć svaju kandydaturu. Cichanoŭskaja ž da siońnia śćviardžaje, što «nie vielmi choča».
«Jon vyklikaje ŭ mianie simpatyju chacia b tamu, što jon ščyra prabiełaruski», — adznačyŭ Milinkievič.
Hladzicie całkam:
Milinkievič pra atručańnie ŭ studyi BT: Nie sumniajusia, što Domašu dali jaki-niebudź «Navičok»
Milinkievič: Kiepska, što Cichanoŭskaja nie razumieła, čyj Krym. Ale jana prajšła evalucyju
«Razumny šukaje siabroŭ, a durny stvaraje vorahaŭ». Milinkievič — pra toje, jak stavicca da byłych supracoŭnikaŭ sistemy
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary