Mierkavańni99

«Razumny šukaje siabroŭ, a durny stvaraje vorahaŭ». Milinkievič — pra toje, jak stavicca da byłych supracoŭnikaŭ sistemy

Jak stavicca da siłavikoŭ i supracoŭnikaŭ prapahandysckich ŚMI, jakija ŭ niejki momant vyrašyli vyjści ź sistemy? Razvažańniami padzialiŭsia palityk Alaksandr Milinkievič.

Fota: sacsietki

Pierš za ŭsio, ličyć Milinkievič, nie varta chvareć na pošuk vorahaŭ i špijonaŭ: «Kab syści z ułady, treba mieć mužnaść, siłu charaktara, tamu što bolš za ŭsio ŭłada pieraśleduje mienavita tych, chto ad jaje adychodzić. Jana ličyć ich zdradnikami, a zdradniki horšyja za vorahaŭ.

Ni ŭ jakim razie nielha adrazu stavić štamp, što hety čałaviek kiepski, pakolki jon byŭ pa toj bok. Treba hladzieć na jaho dziejnaść.

Takija ludzi byvajuć vielmi addanyja spravie demakratyi i svabody, navat kali jany raniej byli va ŭładzie. Kaniešnie, u sistemie i šmat złačyncaŭ, jakija parušajuć zakony, pieraśledujuć ludziej i chłusiać, ale jość i ludzi, jakija hetaha nie rabili. Viedaju mnohich ludziej, jakija pierajšli na bok prystojnaści i pracujuć na karyść budučaj Biełarusi».

Alaksandr Milinkievič. Fota: «Novy čas»

Palityk adznačaje, što my nie možam rabić samasudy. Kali havorka pra złačyncaŭ, asabliva pra tych, u kaho na rukach kroŭ, chto pieraśledavaŭ ludziej i sudziŭ ich nie pa zakonie, ich budzie sudzić spraviadlivy sud u volnaj Biełarusi. 

Byvaje, što čałaviek nasamreč słužyŭ u sistemie i ŭ peŭny momant zrazumieŭ, što dalej tak nielha. Milinkievič zhadvaje chryścijanskuju tradycyju: kali chtości ŭśviadomiŭ, što jon musić paprasić prabačeńnie i adyści ad zła, heta taksama ŭčynak. Kali jon usio śviadoma i da kanca zrazumieŭ i staŭ lepšym čałaviekam, to, vučyć chryścijanstva, treba prabačać takich ludziej.

Ci varta zadavać takim ludziam pytańni datyčna pracy ŭ sistemie? Alaksandr takuju dumku nie padtrymlivaje:

«Kali čałaviek sam choča niešta raskazać, to niachaj. A što da hramadstva — kali kamuści padabajecca čynić takija spoviedzi, heta jaho prava. Ja liču, što dastatkova pakajańnia čałavieka, i kali jon nie choča raskazvać, čamu i jak, my nie majem abaviazku heta ŭ jaho patrabavać.

Jość kłasnaja prymaŭka, biełarusy jaje vielmi lubiać: «Razumny čałaviek šukaje siabroŭ, a durań stvaraje vorahaŭ». Heta maje dačynieńnie i da takich situacyj. Navat pry surjoznych złačynstvach čałavieka karajuć, ale jon musić mieć mahčymaść ź ciaham času viarnucca ŭ hramadstva i być prystojnym čałaviekam».

Nie va ŭsich chapaje mužnaści publična vybačycca, ale heta pažadana, ličyć Milinkievič. Vydatna, kali čałaviek moža publična skazać: «Ja nie mieŭ racyi, ja rabiŭ kiepskaje, navat rabiŭ złačynstvy». 

A ci moža sychod ź sistemy być źviazany z tym, što čałaviek prosta vybraŭ bolš vyhadny bok? Naŭrad ci, miarkuje surazmoŭca:

«U siońniašniaj situacyi taki pierachod niavyhadny, ludziam biez sumleńnia lepš być va ŭładzie, čym pa-za ŭładaj. Kali historyja schilicca ŭ bok dabra, pierabiežčykaŭ moža być bolš, ale ciapier nie toj vypadak. Ciapier u krainie nadzvyčaj ciažka tym ludziam, što chočuć narmalnaści ŭ Biełarusi, ale i ŭ emihracyi niaprosta. Tamu nie dumaju, što sychodziać ź sistemy, kab znajści lahčejšaje žyćcio. Navat kali chto źjechaŭ, u Biełarusi zastalisia svajaki, a my viedajem, što časam i svajakoŭ emihrantaŭ pieraśledujuć». 

«Naša Niva» — bastyjon biełaruščyny

PADTRYMAĆ

Čytajcie taksama:

Byłaja fatohrafka BiełTA, jakaja zdymała pratesty i sud nad palitviaźniami, ciapier žyvie ŭ Varšavie

Kolki siłavikoŭ, jakija ŭdzielničali ŭ represijach, źjechali ŭ Jeŭropu?

«Žyćcio ŭ emihracyi — jak palimpsiest». Siarhiej Darafiejeŭ raskazaŭ pra svajo praciahłaje biežanstva

«Kali čytać naviny — žopa, kali być tut, to bačyš mahčymaści». Biełaruskija aktyvisty — pra toje, čamu zastajucca ŭ krainie i padpolli

Kamientary9

  • Jak jość tak jość
    14.02.2024
    Ja nie budu kazać što dumaju ja. Skažu što jaskrava pakazała Historyja za apošnija 30 hod:

    Razumny pravodzić lustracyju maskalskich kataŭ, zachoŭvaje movu i žyvie jak u Polščy ci Litvie. Durny - šukaje siabroŭstva i kampramisaŭ z akupantami dy ich haŭlaŭtarami, karystajecca maskalskaju movaju i žyvie jak u "Biełoruśsii" ci Buratyi.
  • 12345
    15.02.2024
     Pročitał v vikipiedii ob etom kadrie. Srazu stało jasno, o čiej zadnicie on tak piečietsia, kak i vsie ostalnyje iz etoj kohorty.
  • Tak
    15.02.2024
    Jak jość tak jość, usio tak. Tolki adna małaja pamyłka, u hetym kantekście "haŭlaŭtarami" (ani hienieralnymi kamisarami) zusim nie pasuje, chutčej užo hiensiekami ci hubiernatarami.

Ciapier čytajuć

Tehieran haryć. Izrailskija źniščalniki praciahvajuć udary, pakul SPA Irana biaśsilnaja18

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Usie naviny →
Usie naviny

Padčas izrailskich udaraŭ zahinuŭ daradca ajatały Chamieniei, jaki letaś prylataŭ u Minsk1

U Miniesocie napali na damy dvuch palitykaŭ-demakrataŭ, jość achviary7

Biaśpieka Irana pad pytańniem: jahony ŭrad niazdolny abaranić navat sam siabie8

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»29

U Biełaruś z Rasii zavoziać avijabomby i rakiety12

Nietańjachu: «Nieŭzabavie vy ŭbačycie izrailskija samaloty ŭ niebie nad Tehieranam»1

Zbankrutavała viadomaja sietka fastfudu Döner King2

Tramp vymušana spyniaje rejdy suprać imihrantaŭ u sielskaj haspadarcy i hatelnym biznesie4

Navukoŭcy znajšli prosty sposab paspryjać rostu raślin — muzyka, ale nie kožnaja20

bolš čytanych navin
bolš łajkanych navin

Tehieran haryć. Izrailskija źniščalniki praciahvajuć udary, pakul SPA Irana biaśsilnaja18

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić