Rasijskija ŭłady paviedamili pra napady USU na Biełharadskuju i Kurskuju vobłaści
Hubiernatar Biełharadskaj vobłaści Viačasłaŭ Hładkoŭ paviedamiŭ, naprykład, što USU atakavali siało Jasnyja Zory.
Ukrainskija vojski minułaj nočču abstralali horad Sudža, u vyniku paciarpieli piać čałaviek, u tym liku troje dziaciej, paviedamiŭ časova v.a. hubiernatara Alaksiej Śmirnoŭ, piša Bi-bi-si.
«Siońnia nočču z boku Ukrainy abstralany horad Sudža. Paranieny piać čałaviek, u tym liku troje dziaciej. Jany dastaŭleny ŭ Sudžanskuju rajonnuju balnicu, dzie im akazvajecca miedycynskaja dapamoha. Mocna paškodžanyja niekalki žyłych damoŭ», — napisaŭ jon u telehramie.
Hubiernatar Biełharadskaj vobłaści Viačasłaŭ Hładkoŭ paviedamiŭ, što USU atakavali siało Jasnyja Zory.
«U vyniku pramoha trapleńnia snarada całkam zhareŭ lehkavy aŭtamabil i paškodžany adzin pryvatny dom. Paśla napadaŭ dronaŭ i skidaŭ vybuchovych prystasavańniaŭ z BPŁA zaharelisia haraž z aŭtamabilem, jaki znachodzicca ŭnutry, i jašče dva lehkavyja aŭtamabili», — paviedamiŭ jon.
Pa słovach hubiernatara, u troch kvaterach šmatkvaternaha doma vybity vokny, askiepkami paškodžany pryvatny dom i vosiem aŭtamabilaŭ.
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia8080
Kamientary