Staršynia Savieta Respubliki, upaŭnavažanaja pa Minsku, siońnia ŭziała ŭdzieł u pasiadžeńni Minharvykankama nakont vynikaŭ sacyjalna-ekanamičnaha raźvićcia stalicy za pieršaje paŭhodździe.
Natalla Kačanava zaznačyła, što na zvaroty hramadzian nieabchodna źviarnuć asablivuju ŭvahu.
«My pravodzim pryjomy pa asabistych pytańniach. U kožnaha z vas jość hrafik ich praviadzieńnia. Jość zakon ab zvarotach hramadzian, prezident pravioŭ naradu pa hetym pytańni. Na hetyja zvaroty nieabchodna reahavać. Vyjazdžajcie i raźbirajciesia — treba śmieła iści da ludziej, tłumačyć», — adznačyła čynoŭnica.
Natalla Kačanava taksama paraiła źviarnuć asablivuju ŭvahu — na paradak u stalicy.
«U horadzie pavinien być idealny paradak: fasady, rekłama, padśviatleńnie, azielanieńnie, uborka. Pradpryjemstvy, arhanizacyi, ustanovy pavinny hetym zajmacca samastojna. Čyścinia i paradak — nie tolki na centralnych vulicach.
Pryciahvajcie hramadskija arhanizacyi: BRSM, «Biełuju Ruś», Biełaruski sajuz žančyn. Chaj uklučajucca i pravodziać subotniki. My pavinny być razam — i ŭrad, i zakanadaŭčaja ŭłada. Kali bačyš prablemu — padkažy, dapamažy, uklučy ŭ rašeńnie. Naša siła — u adzinstvie», — padsumavała śpikier.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja113
Kamientary