Pamiatajecie, Kačanava paabiacała zabaranić vejpy? Ciapier jana tłumačyć, čamu ŭsio stała
Akazałasia, staršynia Savieta Respubliki Nacyjanalnaha schodu Biełarusi Natalla Kačanava čakaje ad kardyjołahaŭ prapanoŭ.
Inicyjatyva raspracavać prajekt zakona ab abarocie elektronnych cyharet i kurylnych vadkaściej naležyć vierchniaj pałacie biełaruskaha parłamienta. Ale sprava pakul nie ruchajecca.
Ciapier Kačanava zaprasiła biełaruskich kardyjołahaŭ uziać udzieł u raspracoŭcy prajekta zakona ab abarocie elektronnych cyharet.
«My [Saviet Respubliki] vyjšli z takoj zakanadaŭčaj inicyjatyvaj. Moža być, vy nam padkažacie, jakija normy ŭnieści ŭ zakon. Pavodle infarmacyi daktaroŭ, kurylnyja sumiesi, elektronnyja cyharety ŭpłyvajuć na stan zdaroŭja, jak zvyčajnaja cyhareta, a moža, i horš», — źviarnułasia Kačanava da miedykaŭ.
Ab tym, što ŭ krainie raspačata raspracoŭka prajekta zakona ab abarocie vejpaŭ, raniej paviedamlaŭ člen Savieta Respubliki, hałoŭny ŭrač Minskaha haradskoha kliničnaha ankacentra Viktar Kandratovič.
Pavodle jaho słoŭ, vejpy mohuć vyklikać sardečna-sasudzistyja, ankałahičnyja zachvorvańni, pakolki mnohija «elektronki» zapraŭlajucca vadkaściu ź nikatynam. Akramia taho, vadkaści dla vejpaŭ utrymoŭvajuć šmat farmaldehidaŭ.
Jakija jašče parady daktaroŭ čakaje Kačanava, nieviadoma.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony3
Kamientary