U vyniku rasijskaha rakietnaha ŭdaru pa Lvovie zahinuli 4 členy adnoj siamji — maci i try dački, paviedamiŭ mer horada Andrej Sadovy.
«Paśla siońniašniaj ataki žyvym z hetaha fota zastaŭsia tolki mužčyna. Žonka Jaŭhiena i try ich dački — Jaryna, Darja i Emilija — zahinuli va ŭłasnym domie», — napisaŭ mer.
Jon apublikavaŭ fota siamji i ŭkazaŭ, što na im zzadu staić 21-hadovaja Jaryna Bazilevič, jakaja pracavała ŭ ofisie «Lvoŭ — maładziožnaja stalica Jeŭropy 2025».
«U centry Jeŭropy Rasija źniščaje ŭkraincaŭ cełymi siemjami. Rasiejcy zabivajuć našych dziaciej, našuju budučyniu. Ja nie viedaju, jakimi słovami padtrymać baćku Jarasłava. Siońnia my ŭsie z vami. Ščyryja spačuvańni i śvietłaja pamiać», — padsumavaŭ Sadovy.
Ranicaj 4 vieraśnia rasiejcy nanieśli ŭdar pa Lvovie — 7 čałaviek, siarod ich troje dziaciej, zahinuli, 47 paciarpieli.
Ciapier čytajuć
«Chavaješ svoj žach, bo heta škilet sa skuraj». Śviatłana Cichanoŭskaja pryznałasia, ci paznała Siarhieja praź piać hadoŭ2
Kamientary