Prezident Sierbii admoviŭsia jechać na samit BRIKS pa zaprašeńni Pucina
Vučyč: «U nas jość važnyja hości z-za miažy».
Prezident Sierbii Alaksandr Vučyč zajaviŭ u čaćvier, što atrymaŭ zaprašeńnie Uładzimira Pucina dałučycca da samitu BRIKS u kastryčniku, ale abviaściŭ, što ŭ hety pieryjad u Sierbii buduć važnyja hości», — paviedamlaje Radyjo Svabodnaja Jeŭropa.
«10-12 dzion tamu ja atrymaŭ zaprašeńnie dałučycca da samita BRIKS 23 i 24 kastryčnika. Na toj momant u nas jość važnyja hości z-za miažy», — skazaŭ Vučyč u zvarocie da žurnalistaŭ.
Samit krain BRIKS (Brazilija, Rasija, Indyja, Kitaj, PAR) budzie praviedzieny ŭ rasijskim horadzie Kazani.
Zaprašeńnie ŭziać udzieł u samicie BRIKS Pucin nakiravaŭ Vučyču na sustrečy ź vice-premjer-ministram Sierbii Alaksandram Vulinym u kułuarach Uschodniaha ekanamičnaha forumu va Uładzivastoku.
ES pierad sustrečaj Pucina i Vulina zajaviŭ, što «padtrymańnie suviaziaŭ z Rasijaj padčas jaje ahresiŭnaj vajny suprać Ukrainy niesumiaščalnaje z kaštoŭnaściami ES i pracesam dałučeńnia».
Sierbija zastajecca redkaj krainaj u Jeŭropie, jakaja admaŭlajecca dałučycca da mižnarodnych sankcyj suprać Kramla paśla ŭvarvańnia Rasii va Ukrainu.
-
Sustreča Trampa i Pucina budzie, ale nie fakt, što na nastupnym tydni
-
Sustreča Uitkafa z Pucinym była bolš praduktyŭnaj, čym čakałasia. Tramp nieadkładna sazvaniŭsia ź Zialenskim i lidarami Jeŭropy
-
«Vajna pavinna zaviaršycca. I heta pavinna być sumlennaje zaviaršeńnie». Zialenski raskazaŭ pra razmovu z Trampam
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary