Takarčuk: Moža, za Jahorava prahałasavać, jaki budzie Łukašenku nohi całavać? Jazyki paadryvać by hetym hałasunam
U vialikaj hutarcy TOK viadomaja błohierka Volha Takarčuk vykazała svajo staŭleńnie da idei vybaraŭ novaha lidara demakratyčnych sił.
Tym, chto vykazvajecca ab nieabchodnaści vybaraŭ novaha lidara demakratyčnych sił Biełarusi, błohierka i byłaja palitźniavolenaja Volha Takarčuk prapanoŭvaje vykazvacca bolš kankretna.
«Kali vy prapanoŭvajecie, to prapanoŭvajcie niejkuju kankretyku. Jeść kankretny čałaviek, jakoha budzie pavažać Zachad, buduć sustrakacca ŭsie lidary zachodnich demakratyčnych krain, Złučanych Štataŭ Amieryki? Niama».
Takarčuk źviartaje ŭvahu, što za novuju kandydaturu pavinny hałasavać nie tolki «kupka ludziej, jakaja vyrašyła», ale i «ludzi ŭ Biełarusi, jakija jašče tam zastalisia, my, jakija vymušanyja byli vyjechać, ale taksama hałasavali za Śvietu nie jak za prezidenta, a za čałavieka, jaki chacia b alternatyva Łukašenku».
«U vas jość prapanovy? Jość taki čałaviek? Moža, za Jahorava prahałasavać, jaki pojdzie i budzie nohi całavać Łukašenku?» — zadaje pytańnie Takarčuk.
Błohierka taksama źviartaje ŭvahu na niemahčymaść praviadzieńnia novych vybaraŭ:
«Ludziam strašna. I heta zrazumieła. Tamu što nie ŭsie ŭmiejuć čyścić telefony, jak by my ni raskazvali. Ja sama takaja. Ja dumała, što vyčyściła svoj telefon. A pa chodu nie — toj, što ŭ KDB zastaŭsia. Zrazumieła, ź Biełarusi nie buduć hałasavać. Tut (za miažoj — NN) pałovie heta taksama nie patrebna. Chto budzie hałasavać? Nakolki heta buduć sumlennyja vybary?»
Takarčuk źviartaje ŭvahu na rolu Cichanoŭskaj: «Ja baču, što robić Śvieta. Jany nie razumiejuć, što jany tut ciapier znachodziacca dziakujučy dziejańniam Śviety i jaje kamandy. Tamu što nie była b sproščanaja taja ž lehalizacyja, niejkija dapamohi… Vy zmožacie taho ž dabicca? A vas tam buduć słuchać?»
Žančyna prapanoŭvaje inicyjataram novych vybaraŭ lidara demakratyčnych sił paralelna šukać kantaktaŭ z Zachadam.
«Chočacie — paralelna idzicie. Chto vam pieraškadžaje paralelna sa Śvietaj dabivacca sustreč z zachodnimi lidarami? Navošta heta pieraciahvańnie kanatu? U nas adna meta — źvierhnuć režym, kab u našaj krainie niešta pamianiałasia. Kab my pryjechali dachaty i mahli niejak adstojvać našu krainu pa demakratyčnym scenaryi».
«Śvieta nie kryčyć z kožnaha prasu: «Ja — adziny lidar. Pakul vy mianie nie zabjacie, ja sinimi palcami [za ŭładu] nie trymajusia». Nie, jana ŭsim kaža: «[Kali] jość u vas mahčymaść, rabicie niešta. Ja nie suprać».
Kožny pavinien rabić adpaviedna svaim siłam. Tamu jazyki paadryvać by takim hałasunam».
Hladzicie całkam:
Jahoraŭ krytykuje Cichanoŭskuju: Niama stratehičnaha myśleńnia
Błohierka Volha Takarčuk raskazała, jak trymała haładoŭku ŭ karcary i što za videa ź joj tady vykłali na TB
«Moj tata nie vytrymaŭ by Akreścina». Volha Takarčuk raskazała pra aryšt u 2021-m, Vaładarku, kałoniju, paŭtornaje zatrymańnie i vymušanyja ŭcioki ź siamjoj u 2024-m
Biełarusy horača spračajucca, ci varta pryviazvać dapamohu na dzicia da zarobku maci51
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary
Dekretnica vyryvaje jazyki.
Novaja sacyjalistyčnaja apazycyja zaskaruzłaj savieckaj ŭładzie prahnaja da pieramienaŭ.