«Usio, što ciapier adbyvajecca, heta zdrada. Zdradniki siadziać u Kramli». U Rasii ŭzbuntavaŭsia Z-błohier
Z-błohier z bolš za 300 000 padpisantami «Trynaccaty» (Jahor Huzienka) zapisaŭ try videazvaroty ŭ svaim telehram-kanale, u jakich rezka vykazaŭsia ŭ dačynieńni da Kramla i ciapierašniaj rasijskaj ułady, a taksama ŭskosna pra Pucina, piša Astra.
«Kali b 10 hadoŭ tamu adzin dziadula nie abasraŭsia i pajšoŭ by, jak havorycca, pa-česnamu na*uj, a nie ŭ cichuju 10 hadoŭ tamu, to ŭsioj by hetaj chu*ni nie było b, a ciapier vy nas sadžajecie i zabivajecie», — skazaŭ u svaim videazvarocie «Trynaccaty».
Jon dadaŭ, što
«ŭsio, što ciapier adbyvajecca, heta zdrada. Zdradniki siadziać u Kramli. Usio, kropka».
Pavodle «Trynaccataha», ułady prybirajuć niazručnych, sadžajučy pa turmach, u tym liku Ihara Strałkova (Hirkina). Huzienka kaža, što zdradniki zachapili krainu, a kazać heta jamu nie strašna, tamu što ŭvieś narod pasadzić niemahčyma.
Niahledziačy na heta, kamanda błohiera vydaliła zapisy i apublikavała hałasavoje paviedamleńnie, u jakim patłumačyła emacyjnaść Huzienki jahonaj «narodnaściu» i što jon «čałaviek-bura i emocyja».
«Davajcie budziem abjektyŭnyja — chto z nas, siedziačy na kuchni ź siamjoj, nie nahavaryŭ takoha, što moža dyskredytavać kaho-niebudź naohuł», — zajaviła administracyja kanała, adznačyŭšy, što Huzienka paźniej moža vykazacca inakš.
Jahor Huzienka vajavaŭ na Danbasie z 2014 hoda, a taksama ŭ 2019-m u Siryi. Da momantu pačatku vajny va Ukrainie byŭ pad chatnim aryštam za toje, što streliŭ mužčynu ŭ tvar śvietłašumavym patronam z aerazolnaha pistaleta «Pijanier», a paźniej za vykarystańnie śvietłašumavych u pavietra.
6 sakavika 2022 hoda jon zrezaŭ elektronny branzalet, z dapamohaj jakoha jaho mahła adsačyć Fiederalnaja słužba vykanańnia pakarańniaŭ, damoviŭsia praz znajomych u «DNR», što pryjedzie da ich, i źbieh na vajnu z Ukrainaj.
Z tych časoŭ jon sprabuje aficyjna adpravicca vajavać ad Minabarony RF, ale jamu ŭ hetym admaŭlajuć praz kryminalnuju spravu.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami15
Kamientary