Čałaviek Płoščy, nia daj siabie złamić
Kali sytuacyja krytyčnaja, kali rašeńnie treba prymać chutka i nastupstvy jaho niepradkazalnyja – tady rozum i pačućci adychodziać na zadni plan. Na miažy realnaj niebiaśpieki vyjaŭlajucca sapraŭdnyja kaštoŭnaści čałavieka – toje, čym jon jość i dziela čaho žyvie.
U sakaviku-2006 Ty nia viedaŭ, čym skončycca Tvajo stajańnie na Płoščy. «Prezydent» abiacaŭ «źviarnuć šyju», kamandzir AMONu -- pakłaści «mordaj na asfalt». Staršynia KDB pahražaŭ kryminalnaj spravaj za teraryzm i vaśmiu hadami turmy. Hienprakuror -- rasstrełam.
Ty, mabyć, pamiataješ, jak uviečary 21 sakavika Słava Siŭčyk skazaŭ, što «da nas jeduć vojski». Jak uzdryhvaŭ ad hrukatu ciažkich mašyn i ŭsio adno zastavaŭsia na noč ŭ pradčuvańni «začystki». Ja ŭžo nie kažu pra pahrozu zvalnieńnia z pracy i vyklučeńnia z VNU – heta, jak kažuć, «samo saboj».
Ja ŭpeŭnieny, što va ŭmovach takoj ryzyki Ty, mabyć, ŭpieršyniu ŭ žyćci dziejničaŭ ŭ zhodzie z svaimi sapraŭdnymi pierakanańniami i ideałami. I ŭ tym baču asnoŭnuju vartaść Sakavika dla Tvajoj bijahrafii – šaniec spaznać siabie.
Tvaje adnahodki na Zachadzie lezuć u hory, jeduć u haračyja kropki, arhanizujuć antyhlabalisckija demanstracyi. I ŭsio dziela taho, kab u surahatnaj formie paspytać toje, što Ty paspytaŭ nasamreč – realny vybar i realnyja vyprabavańni.
Tamu skarystaj hety šaniec. Možaš uziać čysty arkuš papiery i napisać samomu sabie adkaz na pytańnie: «Što pryviało na Płošču asabista mianie?». Toje, što Ty napišaš, i jość Tvajoj Sutnaściu. Toje, što robić Ciabie čałaviekam – i asobaj.
Słabyja ludzi – cyniki, skieptyki, bajaźliŭcy – buduć dzivicca i śmiajacca z Tvajoj ščyraści. Jany pasprabujuć pierakanać Ciabie, što Ty dziejničaŭ pad upłyvam emocyj, manipulacyj, naiŭnaści, maksymalizmu, dziela vostrych pačućciaŭ, kab emihravać, ad niama čaho rabić i h.d.
Nia vier. Tam, pierad tvarami vypadkovych siabroŭ, pierad tvarami ludziej, što nieśli Tabie pitvo, ježu i adzieńnie, pierad tvarami pravakataraŭ i amapaŭcaŭ – Ty i byŭ sapraŭdnym.
Čas ad času pieračytvaj napisanaje Taboju zaraz. Uspaminaj siabie. U zvykłaj paŭsiadzionnaj rucinie lohka zabycca na svaje kaštoŭnaści – adzina nadziejny padmurak, na jakim budujecca hodnaje žyćcio.
Stań saboj, Čałaviek Płoščy, i nia daj siabie złamić. Dziakuj Tabie.
-
Fiaduta pra pomnik Paskieviču ŭ Homieli: Čyhunnaj nahoj stanie na miažy z Ukrainaj, demanstrujučy, što ŭžo biełaruskuju ziamlu Pieciarburh nie addaść
-
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj
-
Barkoŭski: Časam uźnikaje žadańnie paprasić Jeŭrakamisiju skaracić datacyi na niezaležnyja miedyja
Ciapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ5
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary