Minski ajcišnik prajhraŭsia ŭ kazino i skraŭ u kampanii 11 noŭtbukaŭ
U staličnuju milicyju źviarnulisia pradstaŭniki IT-kampanii z zajavaj ab kradziažy kampjutarnaj techniki. Pa padazreńni ŭ kradziažy byŭ zatrymany 36-hadovy supracoŭnik hetaj ža kampanii, paviedamlaje minskaja milicyja.
Śledstva vyśvietliła, što mužčyna na praciahu paŭhoda rabiŭ staŭki ŭ anłajn-kazino, dzie prajhraŭ usie svaje hrošy. Kab adyhracca, ajcišnik vynies sa składa firmy 11 noŭtbukaŭ, telefon i stacyjanarny kamputar, jakija potym zdaŭ u łambard. Atrymanyja hrošy jon taksama prajhraŭ.
Kab kiraŭnictva nie zaŭvažyła prapažu majomaści, ajcišnik pakidaŭ na składzie skrynki ad elektroniki.
Ahulnaja suma naniesienaj škody skłała bolš za 10 tysiač rubloŭ (bolš za 3 tysiačy dalaraŭ). Pry hetym ajcišnik raniej užo pryciahvaŭsia da kryminalnaj adkaznaści za majomasnyja złačynstvy.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary