Tvor zachoŭvaŭsia ŭ biblijatecy Lejpcyha i byŭ vypadkova znojdzieny padčas padrychtoŭki da pieravydańnia poŭnaha śpisu tvoraŭ Mocarta. Jon budzie vykanana ŭ subotu, 21 vieraśnia, u opiernym teatry Lejpcyha, piša Deutsche Welle.
Havorka idzie pra 12-chvilinny tvor pad nazvaj Serenate ex C, napisany Volfhanham Amadejem Mocartam u padletkavym uzroście, paviedamiła niamieckaje infarmacyjnaje ahienctva dpa 19 vieraśnia.
Pjesa zachoŭvałasia siarod inšych not u Muzyčnaj biblijatecy Lejpcyha i była znojdzienaja padčas padrychtoŭki da pieravydańnia tak zvanaha Katałoha Kiochiela (Köchelverzeichnis) — poŭnaha śpisu tvoraŭ Mocarta ŭ chranałahičnym paradku.
Jak miarkujuć śpiecyjalisty, pjesa była napisanaja maładym hienijem u kancy 1760-ch hadoŭ, kali jamu było ad 10 da 13 hadoŭ. Kampazicyja vielmi padobnaja da tvoraŭ Mocarta, choć pakul aŭtarstva nie dakazana na 100%.
Tym nie mienš, muzykaznaŭca ź Mižnarodnaha fondu Mocarteum Ulrych Łajzinhier hatovy vyklučyć aŭtarstva inšych kampazitaraŭ i śćviardžaje, što heta tvor junaha Mocarta — «da hetaha času nieviadomy i vielmi čaroŭny».
U subotu, 21 vieraśnia, znachodku pradstaviać šyrokaj hramadskaści ŭ opiernym teatry Lejpcyha, dzie pjesa budzie vykanana na publicy.
«Paśla repietycyj płača pa načach». Śpiavačka Asijat Sajhidava syhraje Rahniedu ŭ rasijskaj etna-opiery z Šamanam
Sihoŭ i Zielankoŭskaja źjaviacca ŭ śpiektakli pa Arłovu
Padtrymka, jakuju ŭ Polščy vyłučali i biełaruskim teatram, stała dastupnaj tolki ŭkraincam? Razabralisia, što adbyvajecca i jak žyvie niezaležny teatr za miažoj
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami4
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary