Rekordnaja kolkaść rasijan vykazałasia za zaviaršeńnie vajny biez dasiahnieńnia metaŭ Pucina
Amal pałova (49%) hramadzian RF padtrymała b vyvad rasijskich vojskaŭ i mirnyja pieramovy z Ukrainaj biez dasiahnieńnia metaŭ vajny, pra jakija havaryŭ Uładzimir Pucin. Pra heta śviedčać vyniki telefonnaha apytańnia prajekta «Chroniki» i daśledčaj hrupy Extreme Scan. Heta maksimalny pakazčyk z pačatku vajny. Nie padtrymali b takoje rašeńnie tolki 33% respandentaŭ, piša The Moscow Times.
Pieravažnaja bolšaść apytanych (63%) chacieli b zaklučeńnia mirnaha pahadnieńnia pamiž Maskvoj i Kijevam na praciahu nastupnaha hoda na ŭmovach uzajemnych sastupak. Pry vybary pamiž miram i mabilizacyjaj 49% addali pieravahu miru, u toj čas jak tolki 29% padtrymali b novuju chvalu mabilizacyi. Pry hetym 30% udzielnikaŭ daśledavańnia adkryta zajavili, što nie hatovyja adpravicca na vajnu.
Apytańnie pravodziłasia z 10 pa 17 vieraśnia i achapiła 800 čałaviek, adabranych mietadam stratyfikavanaha vypadkovaha vybaru. Pavodle daśledčykaŭ, chibnaść vynikaŭ składaje 3,45% pry 95%-m uzroŭni davieru.
Pa ŭłaśniku «Softkłuba» Sirotku, jaki siadzić u SIZA KDB, prylacieła i ad Polščy — na jaho kryptabiržu Bynex nakłali sankcyi2
Kamientary