Były viadučy «Zony Ch» Łukša: Z telefona supracoŭnika BT Markavu adpravili sms «idzi nach**» — a paviesili na mianie
U novym vypusku TOKu były viadučy biełaruskaha telebačańnia i były palitźniavoleny Dźmitryj Łukša raskazaŭ pra svaje niaprostyja adnosiny ź ministram infarmacyi Maratam Markavym.
Pa słovach Dźmitryja Łukšy, z-za Marata Markava jon i pajšoŭ z BT.
Łukša zhadvaje vypadak, jaki adbyŭsia na adnoj z sustreč supracoŭnikaŭ BT:
«Było šmat ałkaholu, viesiałości. I z telefona adnaho z supracoŭnikaŭ, jaki da hetaj pary pracuje na adnym ź dziaržkanałaŭ, była dasłana sms Maratu Siarhiejeviču vielmi kankretnaha charaktaru z zaklikam pajści daloka i nadoŭha. A hety incydent paviesili na mianie».
«Nie viedaju, čamu tak padumali. Ale jak dovad było nastupnaje. Kali my hetaha čałavieka — a jon dobra pierabraŭ z ałkaholem — davodzili da taksi, u niejki momant jon zhadaŭ, što zabyŭsia telefon. Ja skazaŭ, što źbiehaju i pryniasu. Ja padymajusia ŭ kvateru, prynošu telefon. I voś paličyli, što kali ja biehaŭ, to adpraviŭ niemaviedoma našto Markavu hetaje paviedamleńnie», — raskazvaje Łukša.
Pa słovach byłoha viadučaha, jon sprabavaŭ patłumačyć, što takija vybryki «nie ŭ jaho žanry», ale zrabili jaho vinavatym.
«Heta byŭ taki ŭnutrany niadrenny skandał. Marat Markaŭ adrazu zaniaŭ pazicyju, što heta ja. Ja sprabavaŭ niešta tłumačyć. Byli namioki na toje, što ŭsie ŭdzielniki hetaj tusoŭki paniasuć pakarańnie.
Ale ŭ nas ź im da hetaha byli pytańni. Nie było kanektu. Tady pačaŭsia padzieł śfier upłyvu ŭ Ahienctvie telenavinaŭ i ŭvohule na BT, dzie źbirałasia kaalicyja Markava. I ŭ Markava była pazicyja: «Chto nie sa mnoj, toj suprać mianie». Ja nie byŭ ź im, i apryjory da mianie byli adnosiny: «Nu rychtujsia, chłopča», — dzielicca akaličnaściami Łukša.
@tokbelarus Było li stydno rabotať na biełorusskom TV? #milicijabiełarusi #biełaruś #milicija #policija #našaniva #łukašienko #tielevidienije ♬ transgender - <3
***
Dźmitryj Łukša naradziŭsia ŭ 1989 hodzie. U kancy 2000-ch i pieršaj pałovie 2010-ch pracavaŭ na BT, byŭ viadučym «Zony Ch».
U 2020 zdymaŭ pratesty dla kazachstanskaha telekanała «Chabar». U 2022 byŭ aryštavany i prysudžany da 4 hadoŭ źniavoleńnia za ŭdzieł u demanstracyjach i «dyskredytacyju Biełarusi». Razam ź im była asudžanaja jaho žonka Palina Pałavinka. Adbyvaŭ pakarańnie ŭ kałonii ŭ Škłovie.
Vyzvaliŭsia 3 lipienia 2024 hoda pa pamiłavańni adnačasova z žonkaj, paśla čaho siamja źjechała ŭ Polšču.
Hladzicie całkam:
Mścisłaŭ Miekta: jašče adzin recydyvist rviecca va ŭładu, prykinuŭšysia śpiecnazaŭcam-jabaćkam15
Kamientary