Edhar Rynkievič padčas katańnia na rovary surjozna traŭmavaŭ ruku. Paśla akazańnia dapamohi miedyki nakłali jamu na pravuju ruku hips, paviedamlaje Delfi.lv.
Incydent zdaryŭsia ŭ subotu, kali Rynkievič byŭ na viełaprahułcy. Na nastupny dzień jon adpraviŭsia ŭ balnicu traŭmatałohii i artapiedyi, dzie daktary vyjavili ŭ jaho pierałomy i nakłali hipsavuju paviazku. Pra niaŭdałaje padzieńnie z rovara prezident Łatvii paviedamiŭ u fejsbuku.
«Viełasipiedny siezon zaviaršyŭsia. Vialiki dziakuj doktaru Kryšsu Rozienbierhsu i kalektyvu balnicy traŭmatałohii i artapiedyi za dapamohu nie vielmi razumnamu pacyjentu. Łatvijskija daktary — najlepšyja ŭ śviecie», — napisaŭ Rynkievič u sacsietcy.
Daradca prezidenta pa suviaziach z hramadskaściu Marcińš Drehierys udakładniŭ, što Rynkievič pry padzieńni z rovara złamaŭ zapiaście na pravaj ruce i palec na levaj ruce.
Sa słoŭ Drehierysa, na pracy prezidenta traŭma nie adabjecca. Rynkievič moža pisać i padpisvać dakumienty. Nijakich źmienaŭ u paradku dnia nastupnaha tydnia ŭ jaho nie płanujecca.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary