U Biełarusi novaje ekstremisckaje farmavańnie — «Škoła lidarstva dla žančyn»
KDB pryznaŭ ekstremisckim farmavańniem «Škołu lidarstva dla žančyn» i dadaŭ da jaho prajekt Girl power Bel. Sacsietki i sajt pieršaha ŭžo nie isnujuć. Jašče letam Girl power pravodzili mierapryjemstvy, u tym liku i ŭ Biełarusi.
Prajekt pad nazvaj «Škoła lidarstva» źjaviŭsia ŭ śpisie ekstremisckich farmavańniaŭ 4 kastryčnika 2024 hoda, choć rašeńnie ŭstupiła ŭ siłu 1 kastryčnika. Jaho pryznali ekstremisckim farmavańniem pa inicyjatyvie KDB.
Sacsietki prajektu «Škoła lidarstva dla žančyn» nieaktyŭnyja, vydaleny i sajt prajekta. Padobna, što jon zakryŭsia ŭ kancy 2023 hoda. Staronka Girl power bel jašče adkryvajecca, choć apošniaje mierapryjemstva, jakoje rabiŭ prajekt, datujecca žniŭniem 2024 hoda. Mierapryjemstvy anansavalisia jak «afłajn u Minsku», ale vyhladajuć całkam biaskryŭdnymi — «piknik na pryrodzie», «art-majstar-kłas», «treninh pa asabistych miežach».
Siarod «čalcoŭ farmavańnia» nazvanyja Hanna Dapševičucie, Vieranika Mikałajčyk, Viera Jesipčuk, Anžalika Vajciachovič i Alina Šaŭcova. Prynamsi adna ź pieraličanych žančyn — u biaśpiecy za miažoj.
Kali KDB uklučaje ŭ śpisy ekstremisckich farmavańniaŭ ludziej ź Biełarusi, to dla ich heta niebiaśpiečna. Zvyčajna heta abo tyja, chto ŭžo za kratami, abo tyja, kaho chočuć nieŭzabavie zatrymać.
«Naša Niva» — bastyjon biełaruščyny
PADTRYMAĆ
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary
Bo kali b była škoła lidarstva tolki dla mužčyn...
Rubić usie hałovy, jakija zdolnyja vyraści i stvaryć kankurencyju ŭładzie.
Žančynam naradžać i nie dumać pra niešta inšaje. Trymajecca za "tradycyjnyja" kaštoŭnaści nie tamu, što pavažaje historyju i prodkaŭ, a tamu što jany, u śpiecyfičnaj interpretacyi zručnyja dla zamacavańnia ŭłady.