U rasijskim Vałhahradzie raniej sudzimy za razboj vieteran zabiŭ vieterana-zabojcu
Žychar Vałhahrada, što viarnuŭsia z vajny, a raniej byŭ sudzimy, zabiŭ svajho pryjaciela padčas zastolla. Zaviedziena kryminalnaja sprava, paviedamlaje rasijskaja słužba Radyjo Svaboda.
Pavodle danych śledstva, mužčyny raśpivali śpirtnyja napoi ŭ adnoj z kvater u domie pa vulicy maršała Voranava, kali pamiž imi ŭźnik kanflikt. Adzin ź ich schapiŭ mietaličny zedlik i staŭ źbivać im sabutelnika, u tym liku pa hałavie.
Paśla taho, jak toj pierastaŭ padavać prykmiety žyćcia, jon vynies cieła na leśvičnuju placoŭku i pakinuŭ u lifcie. Paśla viarnuŭsia ŭ svaju kvateru i zasnuŭ. Trup u lifcie znajšli susiedzi i vyklikali palicyju.
Zabity słužyŭ u šturmavym atradzie i byŭ uznaharodžany ordenam Mužnaści. Raniej jon sam byŭ sudzimy za zabojstva.
Zatrymany maje dźvie kryminalnyja sudzimaści — za kradziež i razboj. Pavodle infarmacyi śledstva, jon poŭnaściu pryznaŭ vinu. Mieru strymańnia dla jaho jašče nie abrali.
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami7
Kamientary