U horadzie Višniovym pad Kijevam zafiksavali najbujniejšyja razbureńni žyłoha siektara za čas vajny
Premjer-ministarka Ukrainy Julija Svirydzienka zajaviła, što ŭkrainski horad Višniovaje ŭ Kijeŭskaj vobłaści paciarpieŭ ad samych maštabnych razbureńniaŭ žyłoj zabudovy za ŭvieś čas poŭnamaštabnaha rasijskaha ŭvarvańnia, piša «Ukrainskaja praŭda».
Pavodle słoŭ ukrainskaj premjerki, u vyniku rasijskaj ataki i nastupnaj paŭtornaj detanacyi paškodžana kala 13 hiektaraŭ žyłoj zabudovy.
Urad Ukrainy vydzielić srodki z reziervovaha fondu dla dapamohi miascovaj supolnaści, u tym liku na adnaŭleńnie paškodžanaha žylla.
Z nočy ŭ Višniovym pracujuć štaby dapamohi, dzie žychary mohuć atrymać nieabchodnyja kansultacyi i aformić kampiensacyju. Da likvidacyi nastupstvaŭ pryciahnutyja kala 500 ratavalnikaŭ i bolš za 400 supracoŭnikaŭ palicyi.
Raniej paviedamlałasia, što ŭ vyniku ataki ŭ noč na 6 lipienia ŭ Višniovym zahinuli try čałavieki, amal 500 žycharoŭ byli evakujavanyja praz pahrozu paŭtornaj detanacyi. Pavodle apošnich danych, u Kijeŭskaj vobłaści paciarpieli 26 čałaviek.
U noč na 6 lipienia Rasija naniesła masavany kambinavany ŭdar pa terytoryi Ukrainy z vykarystańniem bieśpiłotnikaŭ i rakiet roznych typaŭ. Pavodle ŭkrainskaha boku, siły supraćpavietranaj abarony źniščyli 363 z 419 pavietranych celaŭ, adnak byli zafiksavanyja i traplańni.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna14
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary