Na vajnie zahinuŭ čarhovy rasijski hienierał. Jon datyčny da katavalniaŭ u Daniecku i zabojstva amierykanskaha Z-błohiera
U sacsietkach źjaviłasia paviedamleńnia ab hibieli kamandzira 5-j danieckaj motastrałkovaj bryhady Paŭła Klimienki. Spačuvańni pad im pišuć jahonyja siostry.
Klimienka naradziŭsia ŭ Staŭrapolskim krai, a da ŭvarvańnia va Ukrainu słužyŭ u akupavanym Krymie. U mai hetaha hoda jon atrymaŭ zvańnie hienierał-majora.
Jak pišuć «Važnyja historyi», bajcy bryhady zabitaha hienierała datyčnyja da katavańniaŭ i zabojstva amierykanskaha błohiera i prychilnika vajny Raseła Bentli. Viadoma, što trup amierykanca ŭzarvali, kab schavać ślady źvierstvaŭ. Ciapier čaćviora byłych padnačalenych Klimienki znachodziacca pad śledstvam, ale, imavierna, paźbiehnuć pakarańnia, bo znoŭ adpraviacca na front.
Pavodle rasśledavańnia žurnalistaŭ, Klimienka arhanizavaŭ katavalny kancłahier dla rasijskich vajskoŭcaŭ na terytoryi zakinutaj šachty ŭ Daniecku. Tam ich prymušajuć addavać kamandziram zarpłatu i vypłaty za ranieńni (časam dziela hetaha jany sami kalečać bajcoŭ). Taksama kamandavańnie bryhady Klimienki afarmlała davieranaści i zabirała sabie vypłaty za śmierć bajcoŭ.
Pa infarmacyi TH-kanała «Dośje špiona», zahinuŭ Klimienka tak. Uviečary 6 listapada hienierał razam z padnačalenymi jechaŭ na matacykłach u horadzie Krasnahoraŭka Danieckaj vobłaści, jaki ŭ vieraśni byŭ akupavany Rasijaj.
Kałonu raźbili pry dapamozie FPV-dronaŭ. Klimienka atrymaŭ ciažkija traŭmy hałavy i byŭ terminova adpraŭleny ŭ centr traŭmatałohii ŭ Daniecku, ale praź niekalki hadzin pamior.
Klimienka staŭ 13-m rasijskim hienierałam, pra čyju śmierć paviedamlałasia ź lutaha 2022 hoda. Rasijskija ŭłady paćvierdzili vosiem ź ich.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary