Paśla chapunu ŭ Navahrudku prynamsi 6 čałaviek zastajucca ŭ niavoli
Krynicy «Biełsata» paviedamlajuć, što prynamsi šaściora čałaviek siarod tych, kaho siłaviki zatrymali 15 dzion tamu, nie vyjšli paśla adbyćcia administratyŭnaha aryštu.
U dačynieńni zatrymanych užyvali roznyja mietady, jakija, na dumku jurystaŭ, jość pieravyšeńniem słužbovych paŭnamoctvaŭ z boku supracoŭnikaŭ pravaachoŭnych orhanaŭ. Prykładam moža być sprava suprać Michaiła Zieziuka.
Padčas zatrymańnia siłaviki ŭčynili sapraŭdny pahrom u domie. Ničoha, što možna było b tłumačyć jak pravaparušeńnie, u jaho nie znajšli. Vidavočcy raskazvajuć, siłaviki ŭ telefonie Michaiła sami padpisali jaho na adzin z telehram-kanałaŭ, pryznany «ekstremisckim», i paśla hetaha pavieźli na dopyt.
Za kratami zastajucca muž i žonka Alaksandr i Iryna Lebiedzi, Taćciana Pałubok i jašče troje, proźviščy jakich pakul nie nazyvajucca.
Viadoma, što supracoŭniki HUBAZiKa rasśledujuć spravu ŭ dačynieńni asobaŭ, jakija nibyta byli datyčnyja da telehram-čatu «Partyzany Navahradku». Suprać ich zaviedzienyja kryminalnyja spravy pavodle artykułu ekstremizm. Z usich, kaho dapytvali ŭ spravie, biaruć padpisku ab nierazhałošvańni.
Kamientary