Minčanka pryviezła ŭ čamadanie z Zanzibara hiekona i šukaje jamu novy dom
Biełaruska viarnułasia z adpačynku na Zanzibary i padčas raspakoŭki rečaŭ vyjaviła ŭ svaim čamadanie niečakany suvienir — maleńkaha hiekona.
Dziaŭčyna apublikavała fota małoha turysta ŭ Threads i padzialiłasia historyjaj: «Źlatali na Zanzibar. Viarnulisia dadomu. Raźbirajem čamadan — a adtul vychodzić HIEKON. To-bok my kuplali kvitki, prachodzili pašpartny kantrol, lacieli niekalki hadzin… a hety tavaryš prosta abraŭ taryf «bahaž». Ciapier terminova šukajem, kudy ŭładkavać našaha nielehalnaha turysta, bo biełaruski klimat vidavočna nie ŭvachodziŭ u jaho płany».
Pavodle słoŭ aŭtarki, u hateli takija jaščarki sprytna biehali pa ścienach i łavili kamaroŭ.
U kamientaryjach karystalniki pačali aktyŭna prapanoŭvać varyjanty, što rabić ź niezvyčajnym hościem, i žartavać ź jaho pryhod:
«Praličyŭsia, ale dzie. Dumki hiekona».
«Bieź viedańnia movy jamu budzie składana».
Niekatoryja prapanoŭvali pakinuć hiekona prosta ŭ kvatery:
«U nas jany prosta doma žyvuć, sami kormiacca, u hetym hodzie try štuki. Možna prosta vypuścić, chaj tusujecca».
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju1
Kamientary
PS. Turystam, što naviedali Zanzibar, raju prajści miedyčnuju pravierku na malaryju, kab nie było siurpryzaŭ, bo hetaje vo stvareńnie nia fakt, što ŭsich kamaroŭ tam adłaviła, u hateli tym... Kali chvaroba ŭžo zajavić ab sabie sama, na lekavańnie moža j žyćcia nie chapić. Asabliva, kali heta varyjant «A».