Łaŭroŭ u Breście raskazaŭ moładzi, što «ad Ukrainy zastaniecca niejkaja častka»
Ministr zamiežnych spraŭ Rasii pryjechaŭ u Brest na sumiesnuju kalehiju i vyrašyŭ parazmaŭlać sa studentami.
Łaŭroŭ čarhovy raz uskłaŭ vinu za vajnu va Ukrainie na NATO. Jon paŭtaryŭ, što Kreml nieadnarazova papiaredžvaŭ Zachad ab tym, što nie varta padtrymlivać Ukrainu i zaprašać jaje ŭ NATO, paviedamlaje TASS.
«Kali pačałasia ŭ nas śpiecyjalnaja vajennaja apieracyja paśla 10 hadoŭ, jakija prajšli paśla dziaržaŭnaha pieravarotu, kali i Pucin, i my ŭsie staralisia rastłumačyć Zachadu, što jon idzie nie tudy, padtrymlivajučy hety nielehitymny režym, dy jašče i zaciahvajučy jaho ŭ NATO, — kazaŭ Łaŭroŭ padčas razmovy ź biełaruskaj moładździu. — Kali ŭsio heta pačałosia, užo śpiecyjalnaja vajennaja apieracyja, jany stali kazać: «My ž vam kazali, treba było Ukrainu pryniać u NATO, tady b na jaje nie napała Rasija». Voś taki ŭ ich byŭ pasył».
Dalej ministr zamiežnych spraŭ Rasii zajaviŭ, što paśla vajny ad Ukrainy zastaniecca tolki častka.
«A zaraz hetyja scenarysty raźvićcia situacyi pačynajuć razumieć, što ad Ukrainy zastaniecca tolki častka, i kažuć: «Voś davajcie zaraz spynimsia, a hetuju častku prymiem u NATO». A inšyja kažuć: «Nielha spyniacca, treba Pucina dabivać, bo kali jaho nie dabić, jon napadzie na nas usich», — zajaviŭ Łaŭroŭ.
Heta jon nazvaŭ kanfrantacyjnaj łohikaj.
-
Uradženku Biełarusi zavočna asudzili na 10 hadoŭ za arhanizacyju niezakonnaha refierendumu ab dałučeńni Chiersonščyny da Rasii
-
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
-
«Čamu biełarus nie vyvučyć biełaruskuju movu? Heta prosta lanota». Vydaviec Jarasłaŭ Ivaniuk — pra vyšuk, KDB i moŭnyja vojny
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ28
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary